ខេត្តត្បូងឃ្មុំ ៖ យោងតាមសេចក្តីរាយការណ៍បានឲ្យដឹងថា នៅវេលាម៉ោងប្រមាណ ១២ និង៣០នាទីរំលងអធ្រាត្រថ្ងៃទី២៧ ខែកញ្ញា ឈានចូលថ្ងៃទី២៨ ខែកញ្ញា ឆ្នាំ២០២០នេះ អ្នកសារព័ត៌មានចំនួន២ឡានបានចុះទៅថតផ្តិតយករូបភាពបទល្មើសព្រៃឈើនៅត្បូងឃ្មុំ ហើយក៏ត្រូវក្រុមឡានសាំយ៉ុងព្រួតគ្នាវ៉ៃ នៅត្រង់ចំណុចប៉ុស្តិ៍ទិសផ្លូវបំបែក ច្រកបឹងជ្រោង ស្រុកមេមត់ ខេត្តត្បូងឃ្មុំ។
ករណីនេះ បានធ្វើឲ្យអ្នកកាសែតត្រូវរងរបួស ហើយឡានទាំងពីរគ្រឿងនោះត្រូវខូចខាតយ៉ាងធ្ងន់ធ្ងរ។
លោក បែន រ័ត្ន ស្នងការនគរបាលខេត្តត្បូងឃ្មុំ បានថ្លែងថា ចំពោះករណីនេះ សមត្ថកិច្ចបានទទួលពាក្យបណ្តឹងហើយ ហើយពេលនេះសមត្ថកិច្ចកំពុងធ្វើការស្រាវជ្រាវចាត់វិធានការទៅតាមផ្លូវច្បាប់៕
