នៅថ្ងៃសៅរ៍ ៩កើត ខែភទ្របទ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃសៅរ៍ ទី២៦ ឆ្នាំ២០២០ ដោយមានការចង្អុលបង្ហាញពីលោកជំទាវ ញ៉ែម សាខន សខេង ក្រុមគ្រួសារខ្ញុំបាទជា សុមេធី អភិបាល នៃគណ:អភិបាលខេត្តព្រៃវែង បានផ្តួចផ្តើមរៀបចំ និងចូលរួមក្នុងពិធីបង្សុកូលឧទ្ទិសកុសលផលបុណ្យជូនលោកពុកសម្ដេចអគ្គមហាធម្មពោធិសាល ជា ស៊ីម និងអ្នកម្តាយលោកជំទាវ ញ៉ែម សឿន ជា ស៊ីម និងញាតិការទាំង៧សន្តាន ដែលបានធ្វើមរណកាលទៅកាន់លោកខាងមុខ ជាការគោរព ស្រឡាញ់ ដឹងគុណ និងចងចាំបុព្វបុរស ដែលបានធ្វើពលិកម្មដើម្បីឧត្តមប្រយោជន៍ដល់ប្រទេសជាតិ មាតុភូមិយើង ក្រោមអធិបតីភាព លោកជំទាវ ញ៉ែម សាខន សខេង ដែលប្រព្រឹត្តទៅនៅវត្តព្រះពោធិសត្វគីរីរម្យ(វត្តថ្មី) ស្រុកភ្នំស្រួច ខេត្តកំពង់ស្ពឺ និងវត្តមហាវ័នគីរីរម្យចាស់ ស្រុកកំពង់សិលា ខេត្តព្រះសីហនុ ។
ក្នុងពិធីបុណ្យនេះដែរ ក៍មានការអញ្ជើញចូលរួមពីលោក វ៉ី សំណាង អភិបាលខេត្តកំពង់ស្ពឺ និងសហការី ព្រមទាំងលោកអភិបាលរងខេត្តព្រៃវែង និងប្រធានមន្ទីរបរិស្ថានខេត្តព្រៃវែង និងសហការីសាលាខេត្តព្រៃវែងមួយចំនួនផងដែរ ៕
