បន្ទាយមានជ័យ ៖ បន្ទាប់ពីបានចូលស្បថនៅសាលាដំបូងខេត្តបន្ទាយមានជ័យ នៅថ្ងៃទី០៩ ខែកញ្ញា ឆ្នាំ២០២០ វេលាម៉ោង៣រសៀលរួចមក លោកសាន វិជ្ជាសារ៉ាវុធ ចាប់ផ្តើមប្រើប្រាស់តួនាទី និងអំណាចដែលរដ្ឋាភិបាលផ្តល់ជូន មកគំរាមកំហែងប្រជាពលរដ្ឋ ដែលរកស៊ីដឹកជញ្ជូនទំនិញ តាមរថយន្តតូច ធំ តាមដងផ្លូវ ឃាត់ចាប់ប្រមូលលុយតាមរបៀបពុករលួយ យ៉ាងពេញបន្ទុកគ្មានញញើតអ្វីទាំងអស់ ដោយបានដាក់កុងត្រួលជជុះនៅចំណុចឃុំអូរបីជាន់មួយកន្លែងទៀតផង ។
ប្រភពពីម្ចាស់ក្រុមហ៊ុនដឹកទំនិញបានប្រាប់សារព័ត៌មានខ្មែរជាយដែនអោយដឹងថា ពួកមន្ត្រីទាំងនេះស្លៀកពាក់ស៊ីវិល ជិះរថយន្តម៉ាកFordព៌ណស ដែលមានផ្លាកលេខ ភ្នំពេញ2AH 7766 បើកបរដោយលោកលីន ស៊ូហ្សាណា ដើម្បីល្បាតមើលតាមដងផ្លូវគ្រប់ច្រកល្ហកតាមខ្សែរបន្ទាត់ព្រំដែនកមម្ពុជាថៃ ប្រៀបបានដូចជាមន្ត្រីគយចល័តដូច្នេះដែរ ។ ក្រោយពេលដែលពួកគេល្បាតរួច បានកំណត់មុខសញ្ញារួចរាល់ហើយ ពួកគេក៏បានមកស្នាក់នៅផ្លូវចូលស្តងតាងួនក្រុងប៉ោយប៉ែត ដែលជាកន្លែងពួកមន្ត្រីដែលស្នាក់នៅបណ្តោះអាសន្ន ដើម្បីជួបជាមួយនិងក្រុមឈ្មួញទំនិញ និងខលហៅអ្នកមិនទាន់បង់លុយប្រចាំខែទៅជួប មានដូចជា: អាជីវករលក់ដូរតាមផ្សារ តាមហាងលក់ទំនិញ និងស្ថានីយ៍ប្រេងឥន្ធន:ជាដើម ។
ប្រភពបានអោយដឹងបន្តទៀតថា លោកសាន វិជ្ជាសារ៉ាវុធ និងកូនចៅដែលជាមន្ត្រីបានឃុបឃិតគ្នាប្រព្រឹត្តអំពើពុករលួយ ហើយធ្វើការងារគាបសង្កត់ទៅលើក្រុមរថយន្តដឹកទំនិញ និងមេឈ្មួញទំនិញនៅតាមឃ្លាំងទាំងគំរោល ដើម្បីទាជំរិតលុយដាក់ខែជាប្រចាំ។
បញ្ហាបែបនេះគឺជារឿងដែល ថ្នាក់នឹកនាំក្រសួងពាណិជ្ជកម្ម និងនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ (ក.ប.ប) មិនគួរបណ្តែតបណ្តោយអោយ លោក សាន វិជ្ជាសារ៉ាវុធ ព្រមទាំងកូនចៅធ្វើអ្វីតាមតែអំពើចិត្តឡើយ។
