ខេត្តព្រះសីហនុ ៖ ជាការដឹកនាំរបស់ឯកឧត្តម គួច ចំរើន អភិបាលខេត្ត និងឯកឧត្តមឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ ធ្វើការចុះអនុវត្តផ្ទាល់រាល់បញ្ហាដែលកើតមានឡើងនៅក្នុងភូមិ.ឃុំ និងខេត្ត បានបន្ដបញ្ចូនកម្លាំងនគរបាលកងអន្ដរាគមន៍ពិសេស ពីស្នងការដ្ឋាន ទៅកាន់ស្រុកព្រៃនប់ ដើម្បីចុះជួយនិងការពារសុវត្ថិភាពដល់បងប្អូនប្រជាពលរដ្ឋ ដែលរងគ្រោះដោយសារជំនន់ទឹកភ្លៀងបង្កពីព្យុះនាពេលថ្មីៗនេះ ។
សូមកោតសរសើរខ្ពស់ ចំពោះស្មារតីរួមទទួលខុសត្រូវរបស់លោកឧកញ៉ា ទៀ វិចិត្រ ដែលបានត្រៀមកម្លាំងប្រចាំការ ដើម្បីជួយសង្គ្រោះប្រជាពលរដ្ឋ ដែលប្រឈមនឹងគ្រោះថ្នាក់ និងដើម្បីចូលរួមកិច្ចការពារសុខសុវត្ថិភាព អាយុជីវិតប្រជាពលរដ្ឋ នៅតាមតំបន់ឆ្នេរ ។
សេចក្ដីជូនដំណឹងពីការបង្កើនការប្រុងប្រយ័ត្ន ក្នុងពេលធ្វើដំណើរ ថ្ងៃសុក្រ១កើត ខែអស្សុជ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី១៨ ខែកញ្ញា ឆ្នាំ២០២០ រដ្ឋបាលស្រុកព្រៃនប់សូមជម្រាបជូនដល់បងប្អូនប្រជាពលរដ្ឋថា ដោយសារជំនន់ទឹកភ្លៀងធំ ផ្លូវជាតិលេខ៣កំពុងទទួលរងនូវការលិចលង់ជាខ្លាំង ដែលមានទីតាំងស្ថិតនៅភូមិព្រែកទាល់ ឃុំទឹកថ្លា ខេត្តព្រះសីហនុ។
អាស្រ័យដូចបានជម្រាបជូនខាងលើ សូមបងប្អូនដែលឆ្លងកាត់បង្កើនការប្រុងប្រយ័ត្នខ្ពស់ ដើម្បីបង្ការកុំអោយមានគ្រោះថ្នាក់យថាហេតុណាមួយដល់បងប្អូនឬភ្ញៀវទេសចរណ៍សុំធ្វើ ផ្អាកការលេងទឹកសមុទ្រ ដើម្បីធានាបាននូវសុខសុវត្ថិភាព ការពារអាយុជីវិតរបស់បងប្អូន ពីគ្រោះថ្នាក់ណាមួយជាយថាហេតុ ដែលបង្កឡើងពីឥទ្ធិពលព្យុះទី១១នេះ ។
ក្នុងកំឡុងពេលនេះសូមអាជ្ញាធរមានសមត្ថិច្ចពាក់ព័ន្ធគ្រប់ផ្នែក ត្រៀមកម្លាំងជាប់ជានិច្ច ដើម្បីជូនដំណឹងដល់បងប្អូន ដើម្បីទប់ស្កាត់ការលេងទឹកសមុទ្រ ដែលងាយមានគ្រោះថ្នាក់ និងអាចប៉ះពាល់ដល់អាយុជីវិត ដោយសារគ្រោះធម្មជាតិមួយនេះ ។
ក្នុងដំណាក់កាលមួយនេះ គឺសូមរក្សា និងការពារខ្លួននៅទីតាំងដែលមានសុវត្ថិភាព និងរាយការណ៍ភ្លាមៗមកកាន់អាជ្ញាធរ ដើម្បីមានវិធានការណ៍ជួយបងប្អូន ។
លោក សរ កក្កដា អភិបាលស្រុកព្រៃនប់ និងលោកឧត្តមសេនីយ៍ទោស្នងការ ជួន ណារិន្ទ កំពុងឈរជើងនៅទីតាំងផ្ទាល់ ដើម្បីដឹកនាំបញ្ជាកម្លាំងត្រៀម ជួយប្រជាពលរដ្ឋ នៅឃុំអណ្ដូងថ្ម ដែលកំពុងមានការជន់លិចដោយជំនន់ទឹកភ្លៀង ។
ចំណែកឯកងទ័ពជើង ទឹកក៏ចេញបញ្ចេញកម្លាំងជួយប្រជាពលរដ្ឋក្នុងការត្រៀមជួយ
សង្គ្រោះពលរដ្ឋក្នុង ករណីកើតមានឡើងនៃជំនន់ទឹកភ្លៀងជាថ្មីទៀតក្នុងស្រុកព្រៃនប់ នៅរសៀលថ្ងៃទី១៨ ខែកញ្ញា ឆ្នាំ២០២០ ឯកឧត្តម ឧត្តមនាវីឯក អ៊ុក សីហា មេបញ្ជាការរងកងទព័ជើងទឹក និងជាមេបញ្ជាការមូលដ្ឋានសមុទ្របានចាត់តាំង កម្លាំងចំនួន៣២នាក់ ដឹកនាំដោយ លោកឧត្តមនាវីត្រី អុិន សុខេមរានាយសេនាធិការរងមូលដ្ឋានសមុទ្រ និង រថយន្ត ចំនួន៧គ្រឿង អូរប័រ ០៣គ្រឿង ទៅប្រចាំការ ចូលរួមជួយសង្គ្រោះប្រជាពលរដ្ឋ៕
