កណ្តាល៖ នៅថ្ងៃទី៩ ខែកញ្ញា ឆ្នាំ២០២០ ឯកឧត្តម សែម សុវណ្ណនី សមាជិករាជរដ្ឋាភិបាល និងជាប្រធានក្រុមការងារចុះជួយឃុំពើក ស្រុកអង្គស្នួល និងក្រុមការងារ អញ្ជើញចូលកាន់បិណ្ឌនៅវត្តចំបក់ និងវត្តអង្គសឹម្ពលី។
បន្ទាប់ពីពិធីកាន់បិណ្ឌតាមបែសាសនារួច ឯកឧត្តម ប្រធានក្រុមការងារបានសំណេះសំណាលជាមួយប្រជាពលរដ្ឋពុទ្ធបរិស័យ និងបានផ្តាំផ្ញើរដល់ពួកគាត់ត្រូវចូលរួមជាមួយប្រមុខរាជរដ្ឋាភិបាល និងតាមការណែនាំ របស់ក្រសួងសុខាភិបាល ចូលរួមប្រយុទ្ធប្រឆាំងនឹងជំងឺកូវិដ១៩ និងត្រូវពាក់ម៉ាសជានិច្ច លាងដៃនឹងអាកុល ឬសាប៊ូ ហើយ ឈរ ឬអង្គុយត្រូវមានគម្លាតពីគ្នាយយ៉ាងតិច១ម៉ែត្រកន្លះ។
ក្នុងពិធីកាន់បិណ្ឌទី៧នេះ ឯកឧត្តម បានប្រគេនបច្ច័យនិងទ័យទានដល់វត្តទាំងពីរខាងលើ ៤,៣៦០,០០០រៀល និងថវិកាសម្រាប់ការកសាង ១៥០០ដុល្លាអាមេរិក។ ចែកជូនថវិកាដល់ប្រជាពលរដ្ឋដែលចូលរួម ទាំងពីរវត្តម្នាក់ៗ នូវថវិកា២ម៉ឺនរៀល, ជូនក្រុមលោកអាចារ្យ ២វត្ត ១លានរៀល, មន្ត្រី គ១០ ចំនួន៣០ម៉ឺនរៀល, ក្រុមប្រឹក្សាឃុំ ៨០ម៉ឺនបរៀល, ក្រុមគ្រូពេទ្យឃុំ ៤០ម៉ឺនរៀល, មេភូមិ មេភូមិរង ៥៧នាក់ ១លាន១៤ម៉ឺនរៀល, ប្រជាការពារ៨០ម៉ឺនរៀល, កងកម្លាំងទាំង៤ប្រភេទ៨០ម៉ឺនរៀល, ឧបត្ថម្ភចាស់ជរា ២នាក់៦០ម៉ឺនរៀល, ក្មេងៗ ៤០០នាក់៨០ម៉ឺនរៀល, និងចូលបុណ្យសពអតីតមេភូមិទួលស្រម៉៩០ម៉ឺនរៀល។ សរុបថវិកាទាំងអស់ ១៩,០៥០,០០០រៀលនិង ១៥០០ដុល្លា។
នៅថ្ងៃដដែលនេះដែរ ឯកឧត្តម បានអោយក្រុមការងារបាញ់ថ្នាំបង្ការជំងឺកូវីដ១៩ ដល់សាលាបឋមសិក្សាវត្តចំបក់ និងសាលាអនុវិទ្យាល័យអង្គស្នួលផងដែរ៕
