នៅព្រឹកថ្ងៃអង្គារ ៦រោច ខែភទ្របទ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី០៨ ខែកញ្ញា ឆ្នាំ២០២០ រដ្ឋបាលខណ្ឌដូនពេញ បានបើកកិច្ចប្រជុំគណៈបញ្ជាការឯកភាពរដ្ឋបាលខណ្ឌ ប្រចាំខែកញ្ញា ឆ្នាំ២០២០ ក្រោមអធិបតីភាព លោក សុខ ពេញវុធ អភិបាល នៃគណៈអភិបាលខណ្ឌដូនពេញ ដោយមានការអញ្ជើញចូលរួមពី លោក លោកស្រីអភិបាលរង លោក នាយក-នាយករងរដ្ឋបាល លោក ប្រធានការិយាល័យទាំង១១ លោក លោកស្រីចៅសង្កាត់ទាំង១១ លោក នាយនគរបាលប៉ុស្ដិ៍រដ្ឋបាលទាំង១១ និង លោក លោកស្រីប្រធានទីរួមផ្សារទាំង៣ ព្រមទាំងមន្ដ្រីពាក់ព័ន្ធមួយចំនួនទៀត ដែលកិច្ចប្រជុំបានយកចិត្តទុកដាក់ និងផ្ដោតសំខាន់លើការងារមួយចំនួនរួមមាន៖ ការងារការពារសន្ដិសុខ សុវត្ថិភាព សណ្ដាប់ធ្នាប់សាធារណៈ ចរាចរណ៍ និងអនាម័យក្នុងមូលដ្ឋាន ជាពិសេសការរៀបចំសណ្ដាប់ធ្នាប់សាធារណៈតាមបណ្ដាវត្តអារាមទាំង៧ ក្នុងមូលដ្ឋាន នាឱកាសបុណ្យកាន់បិណ្ឌ-ភ្ជុំបិណ្ឌ, ការងារប្រយុទ្ធប្រឆាំងមេរោគកូវីដ១៩ និងកិច្ចការសំខាន់ៗមួយចំនួនទៀត ៕
