នៅល្ងាចថ្ងៃសុក្រ ២រោច ខែភទ្របទ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី៤ ខែកញ្ញា ឆ្នាំ២០២០ ឯកឧត្តម ជាម ហ៊ីម ប្រធានក្រុមប្រឹក្សាខេត្ត និង ឯកឧត្តម គួច ចំរើន អភិបាល នៃគណ:អភិបាលខេត្តព្រះសីហនុ បានដឹកនាំមន្ត្រីរាជការក្រោមឱវាទ អញ្ជើញនាំយកបច្ចយ័ ទេយ្យវត្ថុ ប្រគេនព្រះសង្ឃវត្តឥន្ទញ្ញាណ ក្រុងព្រះសីហនុ ដែលមានព្រះសង្ឃគង់នៅជិត២០០អង្គ ចូលរួមក្នុងពិធីបុណ្យកាន់បិណ្ឌឆ្នាំនេះ ក្នុងនោះក៏មានវត្តមានឯកឧត្តម តាក វណ្ណថា អ្នកតំណាងរាស្ត្រមណ្ឌលខេត្តព្រះសីហនុផងដែរ ។
ជាមួយនឹងកិច្ចផ្សេងៗតាមទំនៀមទម្លាប់ព្រះពុទ្ធសាសនា ឯកឧត្តមអភិបាលខេត្ត មានប្រសាសន៌សំណេះសំណាល ជាមួយព្រះសង្ឃ ពុទ្ធបរិស័ទដោយអំពាវនាវឲ្យ មានការប្រុងប្រយ័ត្ន បង្ការពីជំងឺកូវីដ១៩ អនុវត្តតាមការណែនាំរបស់ក្រសួងសុខាភិបាល ក្នុងពេលអញ្ជើញធ្វើបុណ្យកាន់បិណ្ឌតាមបណ្តាវត្តនានា ៕
