បរិបូណ៌៖ នាព្រឹកថ្ងៃទី៣១ ខែ សីហា ឆ្នាំ២០២០ នៅវត្តពន្លៃស្ថិតក្នុងស្រុកបរិបូណ៌ ខេត្តកំពង់ឆ្នាំងមាន ប្រារព្ធពិធីប្រកាសតែងតាំងព្រះគ្រូចៅអធិការស្ដីទី និង ស្រោចស្រពសុគន្ធវារីទាំង ១៣ វត្ត ក្នុងស្រុកបរិបូណ៌ ក្រោមព្រះអធិបតីភាព ព្រះសិរីធម្មញាណព្រះរាជាគណៈថ្នាក់កិត្តិយស ទីប្រឹក្សាសម្ដេចព្រះសង្ឈរាជគណៈមហានិកាយ នៃព្រះរាជាណាចក្រកម្ពុជា ព្រះធម្មវង្សាធិបតីបណីធម្មោ សុខ ថាន ព្រះមេគណខេត្តកំពង់ឆ្នាំង លោកជំទាវ ប៊ន សុភី អភិបាលរងខេត្តកំពង់ឆ្នាំងលោក សរ លាងប្រធានមន្ទីរធម្មការ និង សាសនាខេត្ត លោក ចែម ភក្ដិ អភិបាលរង ស្រុកបរិបូណ៌ ព្រះអនុគណស្រុកបរិបូណ៌មន្ត្រីសង្ឃខេត្ត អាជ្ញាធរដែនដី និង ពុទ្ធបរិស័ទចំណុះជើងវត្តចូលរួមផងដែរ។
លោកជំទាវ ប៊ន សុភី អភិបាលរង តំណាងដ៍ខ្ពង់ខ្ពស់របស់ឯកឧត្តម ឈួរ ច័ន្ទឌឿនអភិបាលខេត្តកំពង់ឆ្នាំង បានថ្លែងថា ក្រោមការដឹកនាំរបស់រាជរដ្ឋាភិបាលដែលមានសម្តេចអគ្គមហាសេនាបតីតេជោ ហ៊ុន សែន ជានាយករដ្ឋមន្ត្រីបានធ្វើអោយប្រទេសជាតិមាន សុខសន្តិភាព ពេញលេញ មានការអភិវឌ្ឍនរីកចំរើនលើគ្រប់វិស័យទាំងផ្នែកពុទ្ធចក្រ និង អាណាចក្រ ដោយឡែកខេត្តកំពង់ឆ្នាំងមានការអភិវឌ្ឍ រីកចម្រើនជាបន្តបន្ទាប់ ដោយឡែកវិស័យសាសនានៅក្នុងខេត្តមានការរីកចម្រើន ប្រជាពលរដ្ឋមានសិទ្ធិគោរពតាមជំនឿសាសនារៀងៗខ្លួន ។ ជាពិសេសប្រទេសកម្ពុជា ព្រះពុទ្ធសាសនា ជាសសានារបស់រដ្ឋ ដូចនេះមានប្រជាពលរដ្ឋជាច្រើន បានគោរពប្រតិបត្តិព្រះពុទ្ធសាសនា ។
លោកជំទាវ ប៊ន សុភី បានអំពាវនាវដល់ប្រជាពលរដ្ឋត្រូវបន្តការប្រុងប្រយ័ត្នការពារខ្លួនពីជំងឺកូវីដ១៩តាមការណែនាំរបស់ក្រសួងសុខាភិបាល សំដៅបង្ការ និង ទប់ស្កាត់ការរីករាលដាលនៃជំងឺកូវីដ១៩ក្នុងគ្រួសារ ក្នុងសហគមន៍ដោយប្រកាន់ភ្ជាប់នូវការធ្វើអនាម័យជាប្រចាំដូចជាលាងដៃនិងសាប៊ូ អាល់កុល ចែលអោយបានញឹកញាប់,ពាក់ម៉ាសឬក្រមា កន្សែង ក្រដាស់ខ្ទប់មាត់នូវពេលក្អកឬកណ្តាសនិងរក្សាអោយបានគន្លាតពីបុគ្គលម្នាក់ទៅបុគ្គលម្នាក់អោយបានយ៉ាងតិច១,៥ម៉ែត្រ។
នាឱកាសនោះសម្តេចព្រះអគ្គមហាសង្ឃរាជាធិបតីកិត្តិយសឧទ្ទេសបណ្ឌិត ទេព វង្ស សម្តេចព្រះមហាសង្ឃរាជនៃព្រះរាជាណាចក្រកម្ពុជា បានមានព្រះបន្ទូលថាៈការប្រកាសផ្តល់ដំណែងដល់មន្ត្រីសង្ឃនាពេលនេះគឺដើម្បីបំពេញអោយបានត្រឹមត្រូវនូវរចនាសម្ព័ន្ធនៃការគ្រប់គ្រងការដឹកនាំផ្នែកពុទ្ធសាសនា ដើម្បី កសាងអភិវឌ្ឍន៍វិស័យព្រះពុទ្ធសាសនា ឲ្យមានការរីកចម្រើនគ្រប់ទិសទី ។ ពុទ្ធចក្រ និង អាណាចក្រ សំខាន់នូវព្រះធម៌ សាមគ្គីធម៌ និងកសាងអភិវឌ្ឍន៍វិស័យព្រះពុទ្ធសាសនា ដោយសាសនាជ្រកក្រោមម្លប់តែមួយនៃរដ្ឋធម្មនុញ្ញ ព្រះរាជាណាចក្រកម្ពុជា ដែលជាសាសនារបស់រដ្ឋ។
ព្រះសិរីធម្មញ្ញាណ ព្រះរាជាគណៈថ្នាក់កិតិ្តយស ព្រះធម្មវង្សាធិបតីបណីតធម្មោ បានមានព្រះបន្ទូលបន្តថាៈ វត្តអារាមជាទីជំរកអប់រំរិយាធម៌ ដល់ពុទ្ធបរិស័ទ យុវជន ដែលជាទំពាំង ស្នងឬស្សី និងជាឱកាសល្អក្នុងការរួបរួមគ្នា ដើម្បីថែរក្សាការពារ សេចក្តីសុខសាន្ត សង្គមជាតិ ដោយប្រកាន់យកព្រះពុទ្ធឱវាទជាប្រទីបបំភ្លឺផ្លូវ ក្នុងការអប់រំសីលធម៌ ចរិយាធម៌ សេចក្តីថ្នៃថ្នូរ សមនឹងទស្សនៈដែលថា ព្រះពុទ្ធសាសនាជាកម្លាំងដឹកនាំចរិយាធម៌សង្គម ក្នុងការលុបបំបាត់អំពើហិង្សាសង្គម ៕
