ភ្នំពេញ ៖ ទីតាំងសង្វៀនជល់មាន់ និងអាប៉ោង ដែលលេងចាក់លុយធំមានចំនួនរហូតដល់រាប់ពាន់ ម៉ឺន សែនដុល្លា ដែលគេដឹងថា ជារបស់ឧកញ៉ា សៀវ វុឌ្ឍី បានបើកនៅក្នុងវិឡាមួយ ស្ថិតក្នុង បុរី សីរ៉ែន វីឡា ភូមិទ្រុងមាន់ សង្កាត់អូរបែកក្អម ខណ្ឌសែនសុខ ច្រើនខែមកហើយ ប៉ុន្តែពុំត្រូវបានអាជ្ញាធរ សមត្ថកិច្ច យកភ្នែកមើលឡើយ សង្ស័យចេះបំបាំងកាយ។
តាមប្រភពបានរាយការណ៏ថា ទីតាំងបនល្បែងជល់មាន់ និងអាប៉ោងខ្នាតយក្សនៅក្នុងវិឡាមួយស្ថិតក្នុង បុរី សីរ៉ែន វីឡា របស់ឧកញ៉ា សៀវ វុឌ្ឍី គឺបានបើកលេងស្ទើររាល់ថ្ងៃ និងមានសន្តិសុខល្អ ដោយច្រកចេញចូលក្នុងបុរីមានសន្តិសុខយាម អ្នកចំឡែកទាលតែមានការអនុញាត្តិពីម្ចាស់សង្វៀនទើបចូលទៅដល់ បើមិនដូច្នេះគេឃាតមិនអោយចូលដល់មុខទីតាំងនោះឡើយ។
ករណីនេះ សូមលោក ម៉ូវ ម៉ានិត អភិបាល នៃគណៈអភិបាលខណ្ឌសែនសុខ និងលោកវរសេនីយ៍ឯក ហួរ ម៉េងវ៉ាង អធិការនគរបាលខណ្ឌ មេត្តាជួយចាត់វិធានការ ដើម្បី ភូមិ ឃុំ មានសុវត្ថិភាព ព្រោះមានល្បែងមានអំពើហឹង្សា និងបទល្មើសផ្សេងៗជាពុំខាន៕
