(មណ្ឌលគិរី) ៖ តាមសេចក្តីរាយការណ៍បានអោយដឹងថា រយៈពេលប៉ុន្មានថ្ងៃជាប់គ្នានេះ ក្រុមឈ្មួញបានបន្តលួចកាប់និងដឹកជញ្ជូនឈើចេញតាមច្រកដាក់ដាំនិងច្រកណាំលៀរ និងច្រកឡាបាខេ ដឹកតាមម៉ូតូ រថយន្តឡ់គ្រីស័រកែច្នៃក្នុងមួយយប់ៗ មិនក្រោម១៥រថយន្តកែច្នៃឡើយ ដឹកយកទៅលក់នៅប្រទេសវៀតណាម។
តាមសេចក្តីរាយការណ៍បានបន្តថាក្រុមឈ្មួញឈើទាំងនោះបានសម្រុកដឹកឈើចេញពីតំបន់ផ្សេងៗពីគ្នាតាមច្រករបៀង ជាពិសេសឆ្លងកាត់ច្រកណាំលៀរ និងច្រកឡាបាខេ មិនរំខានដំណេកសមត្ថកិច្ចជំនាញអ្វីទាំងអស់ជាពិសេសសមត្តកិច្ចនៅខេត្តមណ្ឌលគិរី រក្សាភាពស្ងៀមស្ងាត់នៅក្នុងឪកាសថ្ងៃបុណ្យសងចូលឆ្នាំតែម្តងជាពេលដែលប្រជាពលរដ្ធនិងអង្គការឃ្លាំមើលបទល្មើសព្រៃឈើមិនសូវតាមដាននិងចាប់អារម្មណ៍។
ប្រភពដដែលបានបន្តថា ក្រុមឈ្មួញរកស៊ីទាំងអស់បានឆ្លៀតពេលថ្ងៃបុណ្យសំរាកថ្ងៃសងបុណ្យចូលឆ្នាំខ្មែរដែលមានរយះពេល៤ថ្ងៃគឺចាប់ពីថ្ងៃទី១៧ដល់ថ្ងៃទី២១គេសង្កេតឃើញក្រុមឈ្មួញបានកែណ្ឌគរបរិវារអោយចូលទៅកាប់ឈើនៅក្នុងតំបន់ឧទ្យានជាតិ អណ្តូងមាសរួចបន្តដឹកតាមម៉ូតូនិងរថយន្តកែច្នៃដឹកចេញតាមច្រកណាំលៀរ និងច្រកឡាបាខេ និងច្រកដាក់ដាំចេញទៅប្រទេសវៀតណាមយ៉ាងគគ្រឹកគគ្រេង។
ប្រភពពីមន្ត្រីអង្គការសង្គមស៊ីវិលដែលឃ្លាំមើលបទល្មើសព្រៃបានអោយដឹងថាបទល្មើសព្រៃឈើខេត្តមណ្ឌលគិរីរយះពេលប៉ុន្មានថ្ងៃជាប់នេះគេសង្កេតឃើញក្រុមអ្នករត់ការនិងមើលផ្លូវយ៉ាងប្រសេចប្រសាចនៅតាមយប់និងតាមច្រកសំខាន់ៗដែលត្រូវឆ្លងកាត់ជញ្ជូនឈើចេញទៅប្រទេសវៀតណាមហាក់បីដូចជាគ្នានខ្លាចញញើតអ្វីទាល់តែសោះ ជាងនេះទៅទៀត គឺក្រុមឈ្មួញរកស៊ីដឹកឈើទាំងអស់នោះមានការសង្ស័យឃុបឃិតជាប្រពន្ធ័ទើបអាកាប់និងដឹកជញ្ជូនឈើបានម៉ាសេរីយ៉ាងនេះ។ប្រភពដែលគេហទំព័ររស្មីនគរទទួលបាននៅខេត្តមណ្ឌលគិរីបានបង្ហើបអោយដឹងថារយះពេលមួយសប្តាហ៍ទៀតក្រុមឈ្មួញឈើនិងរៀបចំណែនថ្វាយគ្រប់សមត្តកិច្ចនិងស្តាប័នពាក់ពន្ធ័ទាំងអស់ដើម្បីបិតបាំងការជញ្ជូនឈើប្រណិតចេញទៅប្រទេសវៀតណាម !
បើដូចប្រភពខាងលើនេះមែន សំណូមដល់ឯកឧត្តមនាយឧត្តមសេនីយ៍ សៅ សុខា អគ្គមេបញ្ជាការរងកងយុទ្ធពលខេមរះភូមិន្ទនិងជាមេបញ្ជាការកងរាជអាវុធហត្តលើផ្ទៃប្រទេសនិងជាប្រធានគណះកម្មាធិការទប់ស្កាត់និងបង្ក្រាបបទល្មើសធនធានធម្មជាតិ មេត្តាបញ្ជូនក្រុមអធិការកិច្ចចុះមកស្រាវជ្រាវនិងពិនិត្យការដឹកជញ្ជូនឈើតាមច្រកសំខានៗផងដើម្បីទប់ស្កាត់ទាន់ពេលវេលា។ពាក់ពន្ធ័និងការលើកឡើងរបស់ប្រជាពលរដ្ធខាងលើនេះនៅរសៀលថ្ងៃទី២៣ខែសីហាឆ្នាំ២០២០គេហទំព័រ រស្មីនគរ បានទាក់ទងសុំការបកស្រាយនិងការពន្យល់ពីលោក ក អ៊ុំ វណ្ណសុភក្ត្រ័ នាយខណ្ឌរដ្ធបាលព្រៃឈើខេត្តមណ្ឌលគិរីតាមទូរស័ព្ទពាក់ព័ន្ធនិងដឹកជញ្ជូនឈើប្រណិតតាមច្រកណាំលៀរ ច្រកឡាបាខេ និងច្រកដាក់ដាំ លោកបានឆ្លើយយ៉ាងខ្លីខ្ញុំអត់ដឹងទេ ចាំមើលខ្ញុំសួរកូនចៅខ្ញុំសិន ! ជាងនេះទៅទៀត នៅពេលដែលអ្នកសារព័ត៌មានសួររឿងដឹកឈើចេញតាមច្រកឡាបាខេលោកនាយខណ្ឌឆ្លើយថា បើមានចេញឈើនៅខេត្តក្រចេះ SIX រួចក៏បិទទូរស័ព្ទ ។
ដោយឡែក លោក ស្វាយ សំអ៊ាង អភិបាលខេត្តមណ្ឌលគិរី មិនអាចសុំការបកស្រាយបានឡើយនៅរសៀលថ្ងៃទី២៣ ខែសីហា ឆ្នាំ២០២០ ដោយទូរស័ព្ទខលចូលជាច្រើនដងតែគ្មានអ្នកទទួល ៕
