ត្បូងឃ្មុំ ៖ តើពិតទេលោកអភិបាលខេត្តជាមច័ន្ទសោភ័ណ្ឌនិងស្នងការនគរបាលខេត្តត្បូងឃ្មុំមិនហ៊ានបង្ក្រាបល្បែងស៊ីសងទុកគ្រាន់ដាក់ខែមែនឬ?ព័ត៌មានក្តៅទើបតែទទួលបាននៅវេលាម៉ោង១០៖៣០នាទីនេះផ្ដើមចេញពីល្បែងស៊ីសងជាច្រើនប្រភេទដែលកំពុងរីករាលដាលយ៉ាងពេញបន្ទុកគឺនាំឲ្យកើតមានបទល្មើសផ្សេងៗជាច្រើនទៀតដូចជាអំពើចោរកម្ម អំពើហិង្សាក្នុងគ្រួសារនិងបទល្មើសជួញដូរចែកចាយនិងប្រើប្រាស់គ្រឿងញៀនដោយខុសច្បាប់ដែលធ្វើឲ្យប៉ះពាល់យ៉ាងខ្លាំងដល់សន្តិសុខសង្គមនាពេលបច្ចុប្បន្ននេះក្នុងខេត្តត្បូងឃ្មុំ។
ការបង្រា្កបល្បែងស៊ីសងគឺជាចំណុចមួយដ៏ក្ដៅគគក់នៃគោលនយោបាយភូមិ-ឃុំមានសុវត្ថិភាពទាំង៩ចំណុចដែលមន្ត្រីអាជ្ញាធរនិងសមត្ថកិច្ចក្នុងតួនាទីជាមន្ត្រីនគរបាលយុត្តិធម៌ត្រូវយកចិត្តទុកដាក់អនុវត្តន៍ទប់ស្កាត់និងបង្ក្រាបប្រកបដោយប្រសិទ្ធភាពខ្ពស់។បច្ចុប្បន្ននេះនៅខេត្តត្បូងឃ្មុំល្បែងជល់មាន់កំពុងរាលដាលកាន់តែខ្លាំងឡើងៗ។ ប៉ុន្តែគេមិនឃើញមន្ត្រីអាជ្ញាធរនិងសមត្ថកិច្ចចាត់វិធានការបង្ក្រាបនោះឡើយ។ការលេងល្បែងទោះក្នុងទម្រង់ណាក៏ដោយសម្រាប់ប្រជាជនគឺជាអំពើខុសច្បាប់នៅកម្ពុជានេះបើយោងទៅតាមច្បាប់ស្តីពីការបង្ក្រាបល្បែងដែលបានអនុម័តដោយរដ្ឋសភានៅក្នុងអំឡុងឆ្នាំ ១៩៩៦។
ក្នុងឆ្នាំ ១៩៩៤ អាជ្ញាប័ណ្ណកាស៊ីណូទី១ត្រូវបានផ្តល់ឲ្យណាហ្គាវើលស្ថិតនៅកោះពេជ្រក្នុងរាជធានីភ្នំពេញ។ចាប់តាំងពីពេលនោះមក អាជ្ញាប័ណ្ណកាស៊ីណូត្រូវបានផ្តល់ដោយរដ្ឋាភិបាល។ប៉ុន្តែរាជរដ្ឋាភិបាលនិងប្រតិបតិ្តករកាស៊ីណូបានអនុវត្តគោលនយោបាយគ្មានប្រជាជនក្នុងស្រុកចូលលេងល្បែងដោយធូររលុងនោះទេ។អាជ្ញាប័ណ្ណកាស៊ីណូត្រូវបានផ្តល់ដោយរដ្ឋាភិបាល។ប៉ុន្តែរាជរដ្ឋាភិបាលនិងប្រតិបតិ្តករកាស៊ីណូបានអនុវត្តគោលនយោបាយគ្មានប្រជាជនក្នុងស្រុកចូលលេងល្បែងដោយធូររលុងនោះទេ។
តើជំនាញថ្នាក់ណាទើបអាចមានវិធានការត្រួតពិនិត្យ និងបង្ក្រាបបាន បើត្រឹមថ្នាក់ខេត្ត ដែលជាឪពុកម្តាយផ្ទាល់របស់ពលរដ្ឋមិនហ៊ានផងនោះ?អ្នកនិយមចូលលេងល្បែងបានលួចបង្ហើបអោយដឹងថា កាស៊ីណូភូមិយើងដែលមានទីតាំងស្ថិតក្នុងភូមិអន្លង់ ជ្រៃ ឃុំកក់ ស្រុកពញាក្រែក ខេត្តត្បូងឃ្មុំ មានល្បែងច្រើនប្រភេទ៖ ជល់ មាន់ អាប៉ោង យូរគី លេងយ៉ាងគគ្រឹកគគ្រេង កំពុងប្រព្រឹត្តផ្ទុយពីច្បាប់ដោយបានអនុញ្ញាតអោយជនជាតិខ្មែរចូលលេងទាំងខុសច្បាប់ដើម្បីបន្លំភ្នែកថ្នាក់លើ គឹមានរយៈពេលមួយអាទិត្យមកហើយក្រោយពោះផ្អាកមួយរយៈ ។
នៅក្នុងនោះគេសង្កេតឃើញមានវង់ល្បែងដ៏ធំនេះកំពុងបើកលេងយ៉ាងគគ្រឹកគគ្រេងក្រោមការបើកដៃពីសំណាក់អាជ្ញាធរនិងសមត្ថកិច្ចដែលពាក់ព័ន្ធ។ជាពិសេសគឺភាពមិនអើពើពីសំណាក់អភិបាលខេត្តត្បូងឃ្មុំលោកជាមច័ន្ទសោភ័ណ្ឌនិងស្នងការនគរបាលខេត្តត្បូងឃ្មុំលោកបែនរ័ត្ន ។
ប្រជាពលរដ្ឋរិះគន់និងលើកឡើងថាកាស៊ីណូភូមិយើងនេះដែលគេអះអាងថា បានរត់ការបង់លុយឲ្យអស់គ្រប់សមត្ថកិច្ចក្នុងខេត្តត្បូងឃ្មុំទើបទីតាំងល្បែងស៊ីសងខាងលើនេះ បើកឲ្យលេងភ្នាល់ដាក់លុយយ៉ាងរលូនដែលភ្នាល់គ្នាក្នុង១គូៗចាប់ពី១០០០ដុល្លារ ទៅ២០០០ដុល្លារ ជាងនេះទៅទៀតនោះមានអ្នកខ្លះលេងចាញ់លក់់អស់ឡាននិងរបស់របរគ្រឿងអលង្កាជាច្រើនទៀតដោយសារតែការភ្នាល់ល្បែងនៅទីតាំងមួយនេះ ។
ប្រការនេះនាំឲ្យប្រជាពលរដ្ឋសម្ដែងការភ័យខ្លាចកើតមាន បទល្មើសផ្សេងៗគួរឲ្យព្រួយបារម្ភព្រោះមានពលរដ្ឋខ្លះចាញ់ល្បែងលក់អស់ទ្រព្យសម្បត្តិដីធ្លីនិងជំពាក់បំណុលធនាគារជុំទិសទៀតផង។ ដោយសារការព្រួយបារម្ភ ពីបញ្ហាអសន្តិសុខសង្គមដែលកើតចេញពីល្បែងស៊ីសង ជាច្រើនប្រភេទទើបប្រជាពលរដ្ឋអំពាវនាវស្នើសុំឲ្យលោកជាមច័ន្ទសោភ័ណ្ឌនិងស្នងការនគរបាលខេត្តត្បូងឃ្មុំលោក បែនរ័ត្នទប់ស្កាត់និងចាត់វិធានការបង្ក្រាបល្បែងស៊ីសងទាំងនេះប្រកបដោយប្រសិទ្ធភាព៕
