កាស៊ីណូ សុខ គឹមម៉េង នៅច្រកទ្វារទ្វេភាគីតន់ហន់ ក្នុងឃុំព្រែកក្រឹស ស្រុកកំពង់ត្រាច ខេត្តកំពត កំពុងបើកសង្វៀនបញ្ជល់មាន់យ៉ាងរំភើយ ហាក់ផ្គើននឹងសេចក្តីណែនាំរបស់ក្រសួងសុខាភិបាល ។ ចំណែករថយន្តអ្នកញៀនល្បែងវិញ មើលចុះចតតម្រៀបគ្នាពាសពេញចិញ្ចើមផ្លូវតែម្តង។
ចំពោះការបើកល្បែង ជល់មាន់ អាប៉ោង យូគី ដែលមានមនុស្សច្រើនសន្ធឹកសន្ធាប់ក្នុងកាស៊ីណូ(សុខគឹមម៉េង)បែបនេះ មហាជនបាននឹងកំពុងព្រួយបារម្ភនូវកត្តាចម្លងជំងឺកូវីដ១៩ ព្រោះចំណុចដែលបើកល្បែងស៊ីសងអបាយមុខនេះ ស្ថិតជាប់ព្រំដែនប្រទេសវៀតណាម ។
ទាក់ទិននឹងការបើកល្បែងស៊ីសង ជល់មាន់ អាប៉ោង យូគី ដ៏ពេញបន្ទុកខាងលើ មហាជនសំណូមពរដល់ស្ថាប័នពាក់ព័ន្ធ មេត្តាចាត់វិធានការឲ្យបានហ្មត់ចត់បំផុត ដើម្បីជួយទប់ស្កាត់ការរីករាលដាលជំងឺកូវីដ១៩ ដែលជាជំងឺសាកលនិងកាចសាហាវ ៕
