(បាត់ដំបង) ៖ នៅថ្ងៃ សុក្រ ១០រោច ខែ ស្រាពណ៍ ឆ្នាំជូត ទោស័ក ព.ស ២៥៦៤ ត្រូវថ្ងៃទី ១៤ ខែ សីហា ឆ្នាំ 2020 វេលាម៉ោង 16:10នាទីរសៀល ស្ថិតនៅក្នុងក្រុមទី 05 ភូមិកំពង់គល់ ឃុំចែងមានជ័យ ស្រុកបាណន់ ខេត្តបាត់ដំបង មានករណីអគ្គិភ័យ កើតឡើងចំនួន 01លើក បណ្តាលឲ្យឆេះផ្ទះ 01ខ្នង ទំហំ 9មx6ម (ឆេះទាំងស្រុង) ធ្វើអំពីឈើ ដំបូលប្រក់ស័ង្កសី ជញ្ជាំងក្តារ របស់ម្ចាស់ឈ្មោះ អូន វិទូ ភេទប្រុស អាយុ 22ឆ្នាំ ស្នាក់នៅទីកន្លែងកើតហេតុខាងលើ។
ហេតុការណ៍នេះបានបណ្តាលឲ្យឆេះសម្ភារក្នុងផ្ទះមួយចំនួន ប៉ុន្តែមិនបណ្តាលឲ្យគ្រោះថ្នាក់ដល់មនុស្សទេ និងឆេះកាំជ្រួចសម្រាប់បាញ់ពេលដុតខ្មោចសរុបអស់ចំនួន 700ដើម។
-សរុបការខូចខាតអស់ចំនួន12.000$។
មូលហេតុ៖ បណ្តាលមកពីម្ចាស់ផ្ទះផ្សារដែក កំទេចភ្លើងបានខ្ទាតទៅចំកាំជ្រួចទើបបណ្តាលឲ្យឆេះភ្លាមៗ។
ភ្លាមៗនោះពុំបានចេញរថយន្តពន្លត់អគ្គិភ័យទេ ដោយសារទទួលដំណឹងយឺតពេល ៕
