នៅថ្ងៃព្រហស្បត៏៩រោចខែស្រាពណ៏ឆ្នាំជូតទោស័ក ព ស២៥៦៤ ត្រូវនិងថ្ងៃទី13ខែសីហាឆ្នាំ2020នៅស្នាក់ការគណបក្សប្រជាជនស្រុកឈូកលោករាច សូនីតំណាងអោយលោកខៀវ រិទ្ធីភណ្ឌ័អភិបាលនៃគណអភិបាលស្រុកឈូក និងប្រធានគណបក្សស្រុកឈូក ឯកឧត្តម ហ៊ុន សុខាជំនួយការអមទីស្តីគណរដ្ឋមន្ត្រី និងជាអនុប្រធានក្រុមការងារយុវជនគណបក្សប្រជាជនខេត្តកំពតទទួលបន្ទុកប្រធានក្រុមការងារចុះជួយស្រុកឈូកបានជួយឧបត្ថម្ភអង្ករចំនួន 1 តោន ដល់លោក ឈូក ថាន ដែលជាប្រធានក្រុមការងារយុវជនគណបក្សស្រុកដងទង់ ។
នៅក្នុងឱកាសនោះ លោក រាច សូនី បានអោយអង្គភាព យើងដឹងថា ចាប់តាំងពីឯកឧត្តមហ៊ុន សុខាបានចុះមកជួយស្រុកឈូកសកម្មភាពការងារមនុស្សធម៏និងសកម្មភាពជាការកសាងជាច្រើនដូចជាការដាក់លូរំដោះទឹកនៅឃុំសត្វពង ដាក់អំពូលសូឡាជូនប្រជាជនដើម្បីបំភ្លឺតាមដងផ្លូវជួយចាក់ដីក្រាលគ្រោះក្រហមនិងធ្វើផ្លូវចូលភូមិដល់ការងាយស្រួលដល់ការលំបាកជូនប្រជាពលរដ្ឋ មិនតែប៉ុណ្ណោះក្នុងវត្តមានឯកឧត្តមហ៊ុន សុខាបានផ្តល់កំលាំងចិត្តនិងផ្តល់ស្មារតីមុះមុតយ៉ាងខ្លាំងហើយបានជម្រុញដល់ក្រុមការងារយុវជនស្រុកឈូកអោយមានឆន្ទះចុះធ្វើសកម្មភាពជាក់ស្តែងក្រុមការងារយុវជនគណបក្សប្រជាជនខេត្តកំពតក្រោមការដឹងនាំរបស់ឯកឧត្តមភុន សាពេជ្រប្រធានក្រុមការងារយុវជនខេត្តកំពតគឺមានសកម្មភាពគួរអោយកត់សំគាល់។
សកម្មភាពរបស់ឯកឧត្តម ហ៊ុន សុខា ក្រោមការចង្អុលបង្ហាញពីសំណាក់ឯកឧត្តម ជាវ តាយ អភិបាលនៃគណអភិបាលខេត្តកំពតនិងប្រធានគណៈកម្មាធិការគណបក្សប្រជាជនខេត្តកំពតដោយមើលឃើញទុក្ខលំបាកប្រជាជននោះ ឯកឧត្តម ហ៊ុន សុខា តំណាងអោយឯកឧត្តម ភុន សាពេជ្រ បានចុះចែកអំណោយដល់ជនទីទល័ក្រចំនួន4លើកសរុបប្រមាណ200ជាងគ្រួសារសរុបថវិកាជាង30លានរៀលក្នុងខែកក្កដា ដោយមិនទាន់គិតខែសីហានេះ លើសពីនេះទៅទៀត យុវជនគណបក្សស្រុកឈូកមានថវិកាសំរាប់គ្រោះចំណាយបន្ទាន់ចំនួន5លានរៀលអង្ករ ប៊ីចេងសំរាប់សហការចុះជួយជាមួយលោកប្រធានគណបក្សស្រុកឈូក ។
ប្រជាជនរស់នៅមូលដ្ឋាន ស្រុកឈូកមានសេចក្តីសង្ឃឹមយ៉ាងខ្លាំងលើការដឹកនាំរបស់ឯកឧត្តម ហ៊ុន សុខា អនុប្រធានក្រុមការងារយុវជនគណបក្ស
ប្រជាជនខេត្តកំពត និងជាប្រធានក្រុមការងារចុះជួយយុវជនស្រុកឈូក ព្រោះបច្ចុប្បន្ននេះក្រុមការងារយុវជនស្រុកឈូកមានសាមគ្គីល្អនិងចុះជួយប្រជាជនជួបការលំបាកទាន់ពេលវេលានិងសហការជួយយុវជនដូចគ្នាតាមបណ្តាស្រុកដ៏ទៃទៀតក៏មានផែនការនិងបន្តអនុវត្តរបស់ឯកឧត្តម ហ៊ុន សុខា ផងដែរ ៕
