(ភ្នំពេញ) ÷នារសៀលថ្ងៃព្រហស្បតិ៍ ៩រោច ខែស្រាពណ៍ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី១៣ ខែសីហា ឆ្នាំ២០២០ វេលាម៉ោង ១៤,០០នាទី នៅសាលប្រជុំ សាលាខណ្ឌដូនពេញ មានបើកកិច្ចប្រជុំផ្សព្វផ្សាយ ស្តីពីការដាក់ឲ្យអនុវត្តបទបញ្ជាផ្ទៃក្នុង ដល់មន្ត្រីរាជការស៊ីវិល និងមន្ត្រីជាប់កិច្ចសន្យា រដ្ឋបាលខណ្ឌដូនពេញ ក្រោមអធិបតីភាព លោក សុខ ពេញវុធ អភិបាល នៃគណៈអភិបាលខណ្ឌដូនពេញ កិច្ចប្រជុំនេះក្នុងគោលបំណង ជំរុញការអនុវត្តតួនាទី ភារកិច្ចរបស់មន្ដ្រីរាជការឲ្យកាន់តែមានទំនួលខុសត្រូវ និង ពង្រឹងការអនុវត្តលិខិតបទដ្ឋាននានាដែលជាចលករ នៃការកែលម្អរដ្ឋបាលសាធារណៈ ការលើកកម្ពស់សីលធម៌ផ្លាស់ប្ដូរអាកប្បកិរិយា និងឥរិយាបទមន្ដ្រីរាជការ មន្ដ្រីជាប់កិច្ចសន្យា ឱ្យក្លាយ ជាអ្នកផ្ដល់សេវារដ្ឋបាលសាធារណៈប្រកបដោយប្រសិទ្ធភាព បម្រើប្រជាពលរដ្ឋបានកាន់តែល្អប្រសើរឡើង ។ ក្នុងនោះ រដ្ឋបាលខណ្ឌដូនពេញ ក៏ដាក់ចេញនូវបទបញ្ជាសម្រាប់មន្ដ្រីរាជការ មន្ដ្រីជាប់កិច្ចសន្យាទាំងអស់ ដើម្បីគោរពអនុវត្តឱ្យបានខ្ជាប់ខ្ជួន។
បន្ទាប់ពីបញ្ចប់ពីធី លោក អភិបាលបានឧបត្ថម្ភថវិកាដល់មន្ត្រីរាជការដ្ឋបាលខណ្ឌក្នុងម្នាក់ៗថវិកា ៤០,០០០រៀល ។
