ក្នុងនាមថ្នាក់ដឹកនាំក្រសួងកសិកម្ម រុក្ខាប្រមាញ់ និងនេសាទ ឯកឧត្តម វេង សាខុន ខ្ញុំសូមចូលរួមអបអរសាទរ ចំពោះអាគារថ្មីមួយទៀតដែលនឹងលេចចេញជារូបរាងនាឆ្នាំក្រោយ ។
អាគារថ្មីនេះ គឺសាងសង់ឡើងដើម្បីបំពេញសេចក្តីត្រូវការ ដល់រាល់សកម្មភាពការងារអនុវត្តន៍គម្រោងអភិវឌ្ឍន៍កសិកម្មចម្រុះ និងការធ្វើទំនើបកម្មកសិកម្ម ឆ្លើយតបទៅនឹងសេចក្តីត្រូវការរបស់ប្រជាជន និងចូលរួមការជំរុញកំណើនសេដ្ឋកិច្ចកម្ពុជា ។
សូមបញ្ជាក់ថា អាគារថ្មីនេះនឹងសាងសង់ឡើង ស្ថិតនៅក្នុងបរិវេននៃទីស្តីការក្រសួងកសិកម្ម រុក្ខាប្រមាញ់ និងនេសាទ ដែលនឹងចាប់ដំណើរការសាងសង់ក្នុងរយៈពេលដ៏ខ្លីខាងមុខនេះ ក្រោយពីបានបញ្ចប់ការសំអិតសំអាងគូសវៀសប្លង់រួចមក ។
