លោក ស៊ិត វណ្ណៈ ព្រះរាជអាជ្ញារងរាជធានីភ្នំពេញបានកោះហៅលោកអ៊ាករ៉ៃវង្សចាងហ្វាង www.msknews.net ឲ្យចូលបំភ្លឺនៅព្រឹកថ្ងៃទី១0ខែសីហាឆ្នាំ២០២០ ស្អែកនេះ វេលាម៉ោង៨និង៣០ព្រឹកដើម្បីសាកសួរអំពីរឿងលោកសោផាន់ណូបានប្ដឹងពីដំណើររឿងប៉ះពាល់ដល់សិទ្ធិខាងរូបភាពនៃបុគ្គល ។
លោក អ៊ាក រ៉ៃវង្ស បានប្រាប់អង្គភាពសារពត៌មានយើងតាមទូរស័ព្ទនៅរសៀលថ្ងៃ៩ខែសីហានេះថា លោកបានត្រៀមខ្លួនរួចជាស្រាច់ចូលបំភ្លឺទៅតាមដីកាកោះរបស់តុលាការរាជធានីភ្នំពេញ នៅថ្ងៃទី១០ សីហា ស្អែកនេះ ។ ប៉ុន្តែលោក អ៊ាក រ៉ៃវង្ស បានស្នើទៅតុលាការរាជធានីភ្នំពេញឲ្យប្រើច្បាប់ស្ដីពីរបបសារព័ត៌មានដែលលោកថាច្បាប់នោះ បានតម្រូវឲ្យសាមីខ្លួន អាចស្នើទៅសារព័ត៌មានឲ្យចុះផ្សាយកែតម្រូវនៅក្នុងរយៈពេល៣ខែដំបូង។ ប្រសិនបើសាមីខ្លួនយល់ថាសារព័ត៌មានណាមួយបានចុះផ្សាយព័ត៌មានមិនពិតនោះ ។ លោក អ៊ាក រ៉ៃវង្ស អះអាងថា ព័ត៌មានរបស់លោកមុននឹងចុះផ្សាយដែលប៉ះពាល់បុគ្គលណានោះ លោកតែងតែធើ្វតាមវិជ្ជាជីវៈ(បទសម្ភាស)មុននឹងចុះផ្សាយអត្ថបទ ។
លោកបានបញ្ជាក់ថាសារព័ត៌មានរបស់លោក ពុំទទួលបានលិខិតស្នើសុំចុះផ្សាយកែតម្រូវឡើយស្រាប់តែមានដីកាកោះហៅទៅវិញ។បើទោះជាយ៉ាងណាក៏ដោយអ្នកកាសែតអាជីពជាច្រើនអង្គភាពក៏បានអំពាវនាវទៅស្ថាប័នតុលាការរាជធានីភ្នំពេញឲ្យប្រើប្រាស់ច្បាប់ស្ដីរបបសារព័ត៌មាននៅកម្ពុជានិងគោរពរដ្ឋធម្មនុញ ។
សហព័ន្ធអ្នកសារព័ត៌មានអង្កេតការពិតកំពុងតែយកចិត្តទុកដាក់ឃ្លាំមើលដំណើរការនីតិវីធីខាងលើនេះផងដែរ ។
បើយោងសិទ្ធិជាសកលវិស័យសារព័ត៌មានគឺជាអំណាចទី៤បន្ទាប់ពីអំណាចនិតិបញ្ញត្តិ និតិប្រតិបត្តិនិងអំណាចតុលាការ ។ ប៉ុន្តែសម្រាប់ប្រទេសកម្ពុជាវិញ វិស័យសារព័ត៌មានត្រូវបានគេមើលឃើញថាកំពុងស្ថិតនៅការគម្រាមគំហែងនៅឡើយទេ ។ បើទោះបីប្រមុខរដ្ឋាភិបាលសម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានខិតខំនិងលើកកម្ពស់ដល់វិស័យសារពត៌មានស្មើទៅនិងកែវភ្នែកឬកញ្ចក់ឆ្លុះបញ្ចាំងដើម្បីចូលរួមក្នុងគោលនយោបាយ កំណែទម្រងស៊ីជម្រៅដែលមន្ត្រីក្នុងបក្សគួតែងូតទឹកដុះក្អែល ឆ្លុះកញ្ចក់ និងវះកាត់ នោះ ។មានតែសម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាប៉ុណ្ណោះ ដែលស្គាល់និងដឹងអំពីសុខទុក្ខលំបាករបស់អ្នកសារព័ត៌មាន បើអង្គភាពសារព័ត៌មានយើង ចាំមិនខុសទេ សម្ដេចក៏ធ្លាប់បានលើកឡើងថាធ្លាប់ធ្វើជាអ្នកសរសេរកាសែត រិះគន់មន្ត្រីថ្នាក់ក្រោមនាសម័យរដ្ឋកម្ពុជាផងដែរ ។
សម្តេចតេជោបន្តមានប្រសាសន៍ថាអ្នកកាសែតគឺជាក្រុមពួកឆ្លុះកង្កែបអាហ្នឹង ! វាអត់មានប្រាក់ខែទេមានតែប្រាក់ឃើញចឹង!កាំម៉ូរ៉ា(Cammera) គឺជាពន្លឺភ្លើងឆ្លុះឃើញមួយវាយមួយទៅ។
ដោយឡែក បើគេក្រឡេកទៅមើលជ្រុងមួយនៃទឹកដីរាជធានីភ្នំពេញឯណោះវិញ អ្នកកាសែតគឺជាឆ្អឹងទទឹងករបស់មន្ត្រីប្រព្រឹត្តអំពើពុករលួយមួយចំនួនតូចនិងក្រុមរកស៊ីខុសច្បាប់។មួយរយៈពេលចុងក្រោយនេះ គឺចាប់តាំងពីក្រោយបោះឆ្នោត ជ្រើសតាំងតំណាងរាស្ត្រ នីតិកាលទី៦ហើយប្រជាពលរដ្ឋនៅទូទាំងប្រទេស ២៥ ខេត្ត .ក្រុងនិងបានអញ្ជើញទៅបោះឆ្នោតគាំទ្រគណបក្សប្រជាជនកម្ពុជា លេខ២០ ឈ្នះភ្លូកទឹកភ្លូកដីស្ថាប័នអយ្យការក៏ចាប់ផ្ដើមចេញដីការកោះហៅអ្នកកាសែតរឿបទបរិហាកេរ្តិ៍ ជាសំណុំរឿងព្រហ្មទណ្ឌធ្ងន់ធ្ងរ។អ្នកកាសែតមួយចំនួននៅតាមបណ្ដាខេត្តក្រុងរាជធានីនានាត្រូវបានមន្ត្រីពុករលួយមួយចំនួនតូចប្ដឹងបំបាក់ស្មារតីនិងគម្រាមកំហែងធ្ងន់ធ្ងរ។តាមរយៈមេក្បាច់គុនចំនួន៤ដែលមន្ត្រីក្នុងតួនាទីជាមន្ត្រីនគរបាលយុត្តិធម៌គឺ បញ្ចេះចម្លើយ ដឹកមុខចម្លើយ លួងលោមចម្លើយ និងបង្ខំចម្លើយ ដើម្បីប្ដឹងដាក់បន្ទុក ។ នៅក្នុងសង្គមប្រជាធិបតេយ្យ ដើម្បីលើកកម្ពស់សេរីភាពសារព័ត៌មាន និងសេរីភាពបញ្ចេញមតិ ប្រជាពលរដ្ឋ ឬមន្ត្រីសាធារណៈគួរតែឱ្យអ្នកសារព័ត៌មានផ្សាយកែតម្រូវឡើងវិញ ឬសរសេរជាលិខិតបំភ្លឺដោយខ្លួនឯង ប្រសិនបើយល់ថា មានអ្នកសារព័ត៌មានណាម្នាក់បានចុះផ្សាយខុសធ្វើឱ្យប៉ះពាល់ដល់កិត្តិយសរបស់ខ្លួននោះ។
រដ្ឋមន្ត្រីក្រសួងព័ត៌មាន លោក ខៀវ កាញ្ញារីទ្ធបានជំរុញទៅដល់ប្រព័ន្ធផ្សព្វផ្សាយព័ត៌មានតាមវិទ្យុ និង ស្ថាប័នកាសែតមួយចំនួន ត្រូវកែតម្រូវអត្ថបទរបស់ពួកគេឡើងវិញ ប្រសិនបើមានការប្រឆាំងជំទាស់ថា ការចុះផ្សាយទាំងនោះ ខុសពីការពិត។ថ្លែងក្នុងពិធីបូកសរុបការងាររបស់ក្រសួងព័ត៌មានប្រចាំឆ្នាំ២០១៨ កាលពីថ្ងៃទី២២ កុម្ភៈ លោក ខៀវ កាញ្ញារីទ្ធ បានលើកឡើងថា កន្លងមកមានពលរដ្ឋធ្លាប់ស្នើឲ្យស្ថានីយ៍វិទ្យុ និង កាសែតខ្លះធ្វើការកែតម្រូវនូវអ្វីដែលជាការចុះផ្សាយខុសពីការពិតនិងនាំឱ្យប៉ះពាល់កត្តិយសបុគ្គល។ ប៉ុន្តែស្ថាប័នព័ត៌មានទាំងនោះបានបដិសេធមិនកែប្រែឡើយ៕
