នៅព្រឹកថ្ងៃសៅរ៍ ៤រោច ខែស្រាពណ៍ ឆ្នាំជូត ទោស័ក ព.ស ២៥៦៤ត្រូវនឹងថ្ងៃទី០៨ ខែសីហា ឆ្នាំ២០២០ វេលាម៉ោង ០៧,០០នាទី លោក សុខ ពេញវុធ អភិបាល នៃគណៈអភិបាលខណ្ឌដូនពេញ បានចាត់ឲ្យ លោកស្រី នូ ថាវរី អភិបាលរងខណ្ឌដូនពេញ និងដោយមានការចូលរួមពី លោកស្រី ហេង សុខគង់ ភរិយាលោកអភិបាល បានដឹកនាំមន្ត្រីក្រោមឱវាទ រួមទាំងពីបុគ្គលិកក្រុមហ៊ុនស៊ីនទ្រី ចូលរួមយុទ្ធនាការបោសសម្អាត និង ធ្វើអនាម័យ តាមច្រាំងទន្លេ ផ្លូវថ្មើរជើង និង សួនច្បារ មុខព្រះបរមរាជវាំង ។
គោលបំណង នៃកាបោសសម្អាត និង ធ្វើអនាម័យតាមតាមច្រាំងទន្លេ ផ្លូវថ្មើរជើង និង សួនច្បារ មុខព្រះបរមរាជវាំងនេះ គឺចង់បង្ហាញអោយបងប្អូនប្រជាពលរដ្ឋទាំងអស់ចេះស្រលាញ់បរិស្ថាន និងទុកដាក់សំរាមអោយបានត្រឹមត្រូវនៅតាមទីសាធារណៈផ្សេងៗ ដ៏ដូចជាតាមច្រាំងទន្លេ ដើម្បីចូលរួមលើកកម្ពស់សោភ័ណភាព អនាម័យ បរិស្ថានតាមទីសាធារណ: ក៏ដូចជាតាមច្រាំងទន្លេ ឲ្យកាន់តែល្អប្រសើរ ។
