បន្ទាយមានជ័យ៖ ឯកឧត្តម អ៊ុំ រាត្រី អភិបាលខេត្តបន្ទាយមានជ័យ បានប្រាប់អង្គភាពសារព័ត៌មានខ្មែរអ៊ីវិន នាព្រឹកថ្ងៃទី០៣ ខែសីហារ ឆ្នាំ២០២០នេះថា រដ្ឋបាលខេត្តយើងបានស្ថាបនាផ្លូវគ្រួសម៉ិចជូនប្រជាពលរដ្ឋក្នុង ស្រុកម៉ាឡៃ ស្រុកអូរជ្រៅ ស្រុកមង្គលបូរី មាន៥ខ្សែរ ប្រវែង ៤៩៥៤០ម៉ែត្រ ទទឹង៥ម៉ែត្រ ជូនប្រជាពលរដ្ឋការធ្វើដំណើរស្រួលក្នុងរដូវវស្សា។
ឯកឧត្តមអភិបាលខេត្តបន្ទាយមានជ័យបានបន្តថា ដោយមានការចង្អុលបង្ហាញពី និងជាអំណោយ ដ៏ថ្លៃថ្លា ពីឯកឧត្តមឧបនាយករដ្ឋមន្ត្រី កែ គឹមយ៉ាន់ ប្រធានចុះជួយខេត្តបន្ទាយមានជ័យ សរុបចំនួនផ្លូវគ្រួសម៉ិចចំនួន ៥ខ្សែរប្រវែង ៤៩៥៤០ម៉ែត្រ ទទឹង៥ម៉ែត្រ ផ្លូវស្ថាបនាក្នុងនោះ ទី១ ផ្លូវក្រាលគ្រួសក្រហមពីឃុំគុត្តសត ស្រុកអូរជ្រៅ ដល់ភូមិបល្ល័ង ប្រវែង ១៣ ២៤០ម៉ែត្រ ទទឹង ០៥ម៉ែត្រ(ស្ថាបនារួច) , ទី២.ផ្លូវគ្រួសក្រហមពីភូមិចែងមែង ដល់ព្រំប្រទល់ឃុំចំណោម ស្រុកមង្គលបូរី ប្រវែង ១០០០០ ម៉ែត្រ ទទឹង ០៥ ម៉ែត្រ(ស្ថាបនារួច), ទី៣.ផ្លូវក្រាលគ្រួសក្រហម តភ្ជាប់ពីភូមិ ចែងមែង ខ្ចាយ ស្រះភ្លោះ ដល់ភូមិហ៊ុបឬស្សី ឃុំសឿ ស្រុកមង្គលបូរី ប្រវែង ៧០៥០ ម៉ែត្រ ទទឹង ០៥ម៉ែត្រ (បានស្ថាបនារួច) , ទី៤.ត្រៀមបន្តគ្រួសក្រហមពីព្រំប្រទល់ឃុំតាគង់ ដល់ឃុំចំណោម ប្រវែង ១២២០០ ម៉ែត្រ ទទឹង ០៥ម៉ែត្រុំ , និងទី៥. ផ្លូវក្រាលគ្រួស ប្រវែង ៧០៥០ ម៉ែត្រ ទទឹង ០៥ ម៉ែត្រ ពីភូមិខ្ជាយ ទៅភូមិប្រាសាទរ៉ាង ឃុំតាគង់ ស្រុកម៉ាឡៃ ធ្វើពិធីបើកការដ្ឋានថ្ងៃនេះ ។
ប្រជាពលរដ្ឋបានសម្តែងអំណរអរគុណ ដល់ឯកឧត្តមឧបនាយករដ្ឋមន្ត្រី កែ គឹមយ៉ាន់ និងរដ្ឋបាលខេត្តបន្ទាយមាណជ័យ តែងតែគិតគូរ សម្រួលដល់ពួកគាត់ ទាន់ពេលវេលា ជានិច្ច ជាកាល មិនថាការអភិវឌ្ឍន៍ ការផ្តល់ស្បៀង និងបញ្ហាផ្សេងៗជាច្រើន ៕
