សៀមរាប ៖ អនុវត្តតាមបទបញ្ជា និងការណែនាំរបស់លោក ធិននី សុទ្ធី នាយខណ្ឌរដ្ឋបាលជលផលសៀមរាប និងលោកប្រធានគណៈបញ្ជាការឯកភាពរដ្ឋបាលស្រុកសូទ្រនិគម នៅយប់ថ្ងៃទី ២៩ និងថ្ងៃទី ៣០ ខែតុលា ឆ្នាំ ២០២៤ សង្កាត់រដ្ឋបាលជលផលសូទ្រនិគម ដោយសហការជាមួយសហគមន៍នេសាទកំពង់ឃ្លាំង ដែលដឹកនាំដោយលោក សុខ សុង នាយសង្កាត់រដ្ឋបាលជលផលសូទ្រនិគម ចុះប្រតិបត្តិការទប់ស្កាត់ និងបង្ក្រាបបទល្មើសនេសាទខុសច្បាប់នៅក្នុងដែននេសាទសហគមន៍កំពង់ឃ្លាំងបានចំនួន ០៣ករណី ដោយកាប់បំផ្លាញចោលនៅនឹងកន្លែងរួមមាន៖
១-នេសាទដោយឧបករណ៍ឈ្នក់រួមផ្សំភ្លើងពណ៍មាន៖- អាគុយ ៥០ អំពែរ ចំនួន ០៣គ្រឿង, – កាប់បង្គោលចំនួន ០៧ កន្លែង មានបង្គោលចំនួន ២៨ បង្គោល
២-នេសាទដោយឧបករណ៍លបលូដែលមានក្រឡាតូចជាង០៣សង់ទីម៉ែត្រមាន៖
– ក្បាលលបលូ ចំនួន ០៩ គ្រឿង, – របាំងសាច់អួន ប្រវែង៩០០ម៉ែត្រ-ចម្រឹង ចំនួន ៣០០ ដើម
៣- នេសាទឧបករណ៍ស្បៃមុង៖-ក្បាលស្បៃមុង ចំនួន ០៦គ្រឿង, -របាំងសាច់ស្បៃមុង ប្រវែង ៤០០ម៉ែត្រ, -ចម្រឹង ចំនួន ២០០ ដើម, – លែងត្រី ចំនួន ៤០ គក្រ
ទន្ទឹមនិងនោះដែរខណ្ឌ ផ្នែក និងសង្កាត់រដ្ឋបាលជលផល ថែមទាំងបានធ្វើការប្រជុំផ្សព្វផ្សាយពីសេចក្តីជូនដំណឹងស្តីពីរដូវបើកនេសាទ សម្រាប់រដូវនេសាទឆ្នាំ ២០២៤ និង ២០២៥ និងសេចក្តីប្រកាសស្តីពីការកំណត់ប្រភេទឧបករណ៍នេសាទដែលអនុញ្ញាតិឲ្យធ្វើនេសាទក្នុងរដូវនេសាទឆ្នាំ ២០២៤-២០២៥ នេះ មិនតែប៉ុណ្ណោះព្រមទាំងបានផ្សព្វផ្សាយនូវលិខិតអំពាវនាវស្តីពីការហាមឃាត់ការផលិត ទិញ លក់ ដឹកជញ្ជូន រក្សាទុកនូវឧបករណ៍ឆក់ត្រីគ្រប់ប្រភេទ ដល់ប្រជាអ្នកនេសាទទាំងក្នុង និងក្រៅសហគមន៍ នៅសហគមន៍នេសាទមាត់ខ្លា និងសហគមន៍នេសាទកំពង់ឃ្លាំង ។
