ខេត្តសៀមរាប ៖ ថ្ងៃទី២១ ខែតុលា ឆ្នាំ២០២៤ ផ្នែករដ្ឋបាលជលផលដំដែក និងសង្កាត់រដ្ឋបាលជលផលកំពង់ក្តី សហការជាមួយឧទ្យានុរក្សបរិស្ថាន អន្លង់សំណរ និងសហគមន៍នេសាទជីក្រែង ចុះប្រតិបត្តិការទប់ស្កាត់ និងបង្ក្រាបបទល្មើសនេសាទ នៅដែននេសាទសហគមន៍ជីក្រែង នៅចំណុចប្រអប់អ្នកល្វា និងកក់ប្រាំង ជាប់ព្រំប្រទល់ខេត្តកំពង់ធំ ។
ក្នុងកិច្ចសហប្រតិបត្តិកម្លាំងចម្រុះនេះ មន្ត្រីជំនាញបានប្រទះឃើញឧបករណ៍ស្បៃមុងចំនួន០១ករណី រួមមាន ៖ ឧបករណ៍ស្បៃមុង
-ក្បាលស្បៃមុង ចំនួន១៥គ្រឿង – របាំងស្បៃមុង ប្រវែង ៧០០ ម៉ែត្រ – ចម្រឹង ចំនួន ២០០ ដើម – ក្នុងក្រុមមន្ត្រីជំនាញបានលែងត្រីចំរុះដែលបង្ក្រាបបាន ចំនួន៥០គីឡូក្រាមចូល ទន្លេធម្មជាតិវិញ ។
ក្នុងកិច្ចសហប្រតិបត្តិការនេះ មន្ត្រីជំនាញបានប្រើប្រាស់កម្លាំងសរុប ១២ នាក់ កាណូត ចំនួន ២ គ្រឿង ៕
