នៅថ្ងៃទី ២២ ខែ តុលា ឆ្នាំ ២០២៤ លោក ជុំ ចាន់ថេង អភិបាលរង នៃគណៈអភិបាលស្រុកសូទ្រនិគម និងដោយមានការចូលរួមពីសង្កាត់រដ្ឋបាលជលផលសូទ្រនិគម នាយករងរដ្ឋបាលស្រុក លោកអនុប្រធានការិយាល័យកសិកម្ម ធនធានធម្មជាតិ និងបរិស្ថានស្រុក ឧទ្យានុរក្សបរិស្ថានតំបន់ប្រើប្រាស់ច្រើនយ៉ាងស្នាក់ការកំពង់ឃ្លាំង សហគមន៍នេសាទកំពង់ឃ្លាំង ចុះប្រតិបត្តិការទប់ស្កាត់ និងបង្ក្រាបបទល្មើសនេសាទខុសច្បាប់នៅក្នុងដែននេសាទសហគមន៍កំពង់ឃ្លាំង និងដែននេសាទសហគមន៍ថ្នល់ដាច់ ។
ក្រុមប្រតិបត្តិការបានធ្វើការកាប់បំផ្លាញចោលនូវឧបករណ៍នេសាទខុសច្បាប់នៅនឹងកន្លែងបានចំនួន ០៣ ករណី ក្នុងនោះមាន៖
១-នេសាទដោយឧបករណ៍ឈ្នក់រួមផ្សំភ្លើងពណ៌ ៖ -សាច់ឈ្នក់ទំហំ ប១៥ម ទ១៥ម ជ៤ម ក្រឡា០,៨សង់ទីម៉ែត្រ ចំនួន ០១គ្រឿង -អាគុយ ៥០អំពែរ ចំនួន ០២គ្រឿង -កាប់បង្គោល១១កន្លែង មានបង្គ្គោលចំនួន ៤៤ដើម ។
២-នេសាទដោយឧបករណ៍លបលូដែលមានក្រឡាតូចជាង៣សង់ទីម៉ែត្រមាន៖-ក្បាលលបលូ ចំនួន ០៦គ្រឿង ។ -របាំងសាច់អួន ប្រវឺង ៥០០ម ។ -ចម្រឹង ចំនួន ២០០ដើម ។
៣-នេសាទឧបករណ៍ស្បៃមុង ៖ -ក្បាលស្បៃមុង ចំនួន ១០គ្រឿង -របាំងសាច់ស្បៃមុង ប្រវែង ៨០០ម -ចម្រឹង ចំនួន ៣០០ដើម – លែងត្រី ចំនួន ២០ គក្រ ។
ការចុះប្រតិបត្តិការនេះបានប្រើប្រាស់ កម្លាំងចំនួន ១០ នាក់ និង កាណូតចំនួន ០២ គ្រឿង ៕
