ខេត្តកំពង់ឆ្នាំង ៖ នាថ្ងៃអាទិត្យ ៣រោច ខែ អស្សុជ ឆ្នាំរោងឆស័ក ពុទ្ធសករាជ ២៥៦៨ ត្រូវនឹងថ្ងៃទី២០ ខែតុលា ឆ្នាំ២០២៤ ខណ្ឌរដ្ឋបាលជលផលកំពង់ឆ្នាំងបានបន្តសកម្មភាពការងាររបស់ខ្លួន ដោយបានចេញប្រតិបត្តិល្បាត បង្ក្រាបបទល្មើសនេសាទ ។
ក្នុងនោះ សង្កាត់រដ្ឋបាលជលផលជលគិរី ផ្នែករដ្ឋបាលជលផលកំពង់ប្រាសាទ បានសហការជាមួយសហគមន៍នេសាទកោះធំ និងសហគមន៍នេសាទកំពង់បាស្រូវ រួមមានកំលាំងសរុប០៧នាក់ និងបានប្រើប្រាស់ទូកបាឡាស្មាច់ចំនួន ០៣គ្រឿង ចុះប្រតិបត្តិការ បានប្រទះឃើញការធ្វើនេសាទប្រើឧបករណ៍របាំងស្បៃមុងនៅចំនុចបឹងធំ ក្នុងភូមិកំពង់បាស្រូវ ឃុំជលសា ស្រុកជលគិរី ខេត្តកំពង់ឆ្នាំង។
ក្នុងប្រតិបត្តិបង្ក្រាបនេះ ក្រុមការងារចម្រុះបានដកហូតវត្ថុតាង រុះរើបំផ្លាញចោលនៅហ្នឹងកន្លែងមាន រួមមានដូចជា ៖ របាំងស្បៃមុងចំនួន០១ករណី ស្មើនឹង០៦កន្លែង ប្រវែង១៨០ម លូស្បៃមុង ០៦គ្រឿង បង្គោល ៦០ដើម និងចាក់កូនត្រីចម្រុះចូលដែននេសាទវិញចំនួន ៣០គ.ក្រ៕
