នាថ្ងៃទី ២៦ ខែកញ្ញា ឆ្នាំ ២០២៤ កម្លាំងចម្រុះផ្នែករដ្ឋបាលជលផលដំដែក ដឹកនាំដោយលោក សរ ម៉ាប់ នាយរងផ្នែកដំដែក និងសង្កាត់រដ្ឋបាលជលផល សូទ្រនិគម បានសហការជាមួយឧទ្យានុរក្សបរិស្ថានតំបន់ប្រើប្រាស់ច្រើនយ៉ាង ស្នាក់ការកំពង់ឃ្លាំង និងសហគមន៏ នេសាទកំពង់ឃ្លាំង ចុះទប់ស្កាត់ និងបង្ក្រាបបទល្មើសនេសាទខុសច្បាប់ ក្នុងរដូវបិទនេសាទ ក្នុងដែននេសាទសហគមន៍កំពង់ឃ្លាំង ។
ក្នុងប្រតិបត្តិការនេះ ក្រុមការងារបានចុះល្បាត និងបង្ក្រាបបានបទល្មើសនេសាទ ចំនួន ០២ ករណី ជាប្រភេទនេសាទដោយឧបករណ៍លបលូ ដែលមានក្រឡាតូចជាង ៣ សង់ទីម៉ែត្រ និងឧបករណ៍ស្បៃមុង ។
១-នេសាទដោយឧបករណ៍លបលូ ដែលមានក្រឡាតូចជាង ៣ សង់ទីម៉ែត្រ ៖-ក្បាលលបលូ ចំនួន ០៦ គ្រឿង – របាំងសាច់អួន ប្រវែង ៥០០ម – ចម្រឹង ចំនួន ២០០ ដើម ។
២-នេសាទឧបករណ៍ស្បៃមុង ៖ -ក្បាលស្បៃមុង ចំនួន ០៩គ្រឿង -របាំងសាច់ស្បៃមុង ប្រវែង ៨០០ ម. -ចម្រឹង ចំនួន ៣០០ដើម ។
ដោយឡែកចំពោះឧបករណ៍ល្មើសច្បាប់ ក្រុមការងារបានសម្រេច កាប់បំផ្លាញចោលតែម្តង ។ ក្នុងនោះ ក្រុមការងារក៏បានលែងត្រី ចំនួន ២០ គក្រដែលរឹបអូសបាន ព្រលែងចូលបឹងធម្មជាតិវិញ៕
ក្នុងប្រត្តិការនេះដែរ ក្រុមការងារបានប្រើប្រាស់ កម្លាំងចំនួន ០៧ នាក់ និងកាណូតចំនួន ០២ គ្រឿង ៕
