កាលពីថ្ងៃទី០២ ខែកញ្ញា ឆ្នាំ២០២៤ ផ្នែករដ្ឋបាលជលផលដំដែក សង្កាត់រដ្ឋបាលជលផលសូទ្រនិគម សហការជាមួយ និងសង្កាត់រដ្ឋបាលជលផលអន្លង់សំណរ ចុះទប់ស្កាត់ និងបង្ក្រាបបទល្មើសនេសាទ ដោយឧបករណ៍ខុសច្បាប់បានចំនួន ០២ ករណី ឧបករណ៍លបលូ និងឧបករណ៍ស្បៃមុង នៅចំណុចកោះធំ ដល់ចំការទាល់ក្នុងដែននេសាទសហគមន៍កំពង់ឃ្លាំង ។ ក្នុងប្រតិបត្តិនោះដែរ ក្រុមការងារបានលែងកូនត្រីចម្រុះ ចំនួន ៣០០ គីឡូក្រាម ។
បទល្មើសដែលបានបង្ក្រាប រួមមាន ៖
០១-ក្បាលលបលូ ចំនួន ០៥ គ្រឿង ដោយរបាំងសាច់អួនក្រឡាតូចជាង៣សង់ទីម៉ែត្រ ប្រវែង៦០០ម៉ែត្រ ចម្រឹង ចំនួន២០០ដើម ។
០២۔និង ក្បាលស្បៃមុង ចំនួន ២០គ្រឿង ដែលរបាំងស្បៃមុង មានប្រវែង១០០០ម៉ែត្រ ចម្រឹង ចំនួន៣០០ដើម ។
ក្នុងប្រតិបត្តិនេះ ក្រុមការងារបានប្រើប្រាស់កាណូត ចំនួន ០២ គ្រឿង និង កម្លាំងសរុប០៩នាក់ ។
ដោយឡែក ចំពោះឧបករណ៍ល្មើសច្បាប់ទាំងនោះ ត្រូវបានកាប់បំផ្លាញចោល នៅនឹងកន្លែងតែម្តង ៕
