ដោយ ៖ គេហទំព័រ «ស៊ីអេចខេ-ញូស៍.ខម|CHK-News.com» Tel & Telegram: 096 60 84 784 / 012 790 894
ស្វាយរៀង៖តាមសេចក្ដីរាយការណ៏មកពីខេត្តស្វាយរៀង បានប្រាប់ថា មន្ទីរសង្គមកិច្ចអតីតយុទ្ធជន និងយុវនីតិសម្បទាខេត្តស្វាយរៀង ដែលសព្វថ្ងៃមានលោក ប៉ែន សុវណ្ណនី ជាប្រធានមន្ទីរនោះ នៅរយះពេលច្រើនឆ្នាំមកនេះ បានកើតមានភាពមិនប្រក្រតី លើការចំណាយថវិកាជាតិ ច្រើនរយលានរៀល ក្នុងការទិញគ្រឿងឧបភោគ បរិភោគ រួមមាន៖ អង្ករ ម៉ុង កន្ទេល ភួយ សារ៉ុង អំបិល មី ត្រីខកំប៉ុង អំបិល សម្រាប់ចែក ជូនអ្នកក្រីក្រ និង មនុស្សក្នុងសហគមន៏។
តាមប្រភពបានបង្ហបថា នៅក្នុងឆ្នាំ២០២២ ២០២៣ មន្ទីរសង្គមកិច្ចអតីតយុទ្ធជន និងយុវនីតិសម្បទាខេត្តស្វាយរៀង បានចំណាយថវិកាជាតិរហូតដល់ជាង៥៤០លានរៀល និងឆ្នាំ២០២៤នេះ អស់ថវិកាជិត ៦០០លានរៀល ដើម្បីទិញ ៖ អង្ករ ម៉ុង កន្ទេល ភួយ សារ៉ុង អំបិល មី ត្រីខកំប៉ុង អំបិល សម្រាប់ចែកជូនអ្នកក្រីក្រ និង មនុស្សក្នុងសហគមន៏។ ប៉ុន្តែអ្វីដែលគេឃើញ ការចាយលុយរដ្ឋដ៏ច្រើននេះ គឺ លទ្ធផលដូច មិនសមនិងការចំណាយថវិកាជាតិទាំងនោះទេ។ ផ្ទុយទៅវិញថវិកាដ៏ច្រននេះត្រូវគេហែកចែកគ្នាស៊ីស្ទើអស់ ក្រោលទ្ធកម្មទិញថ្លៃ និងយកទំនិញតិចតួចទៅចែក ដើម្បីថតរូប ទុកអួតក្រុមអធិការកិច្ច និងក្រុមសវនកម្ម នៅពេលគេទៅត្រួតពិនិត្យម្ដងៗនោះ។
ករណីភាពមិនប្រក្រតីរបស់លោក ប៉ែន សុវណ្ណនី ប្រធានមន្ទីរសង្គមកិច្ចអតីតយុទ្ធជន និងយុវនីតិសម្បទាខេត្តស្វាយរៀង គួរក្រសួង/ស្ថាប័នពាក់ព័ន្ធចុះពិនិត្យបញ្ជីរឈ្មោះអ្នកទទួលអំណោយនៅមូលដ្ឋាន និងការពិត។
ទាក់ទងព័ត៌មាននេះនៅរសៀលថ្ងៃទី១៥ ០៧ ២០២៤ គេហទំព័រ «ស៊ីអេចខេ-ញូស៍.ខម|CHK-News.com» មិនអាចសុំការបំភ្លឺពីលោក ប៉ែន សុវណ្ណនី ប្រធានមន្ទីរសង្គមកិច្ចអតីតយុទ្ធជន និងយុវនីតិសម្បទាខេត្តស្វាយរៀង ជុំវិញរឿខាងលើនេះទេ។ អង្គភាពយើងស្វាគមន៏ទទួលយកការបំភ្លឺគ្រប់ពេល៕
