កំពង់ចាម៖ប្រជាពលរដ្ឋនៅក្នុងភូមិសាស្ត្រយ៉ាងហោចណាស់នៅឃុំចំនួន៤ ស្ថិតក្នុងស្រុកស្ទឹងត្រង់ ខេត្តកំពង់ចាម កំពុងតែរងគ្រោះ និងព្រួយបារម្ភអំពីគ្រោះបា.ក់ច្រាំងទន្លេ ដែលបានកើតមាននៅដើមខែកក្កដា នៃឆ្នាំ២០២៤នេះ ។
ករណីគ្រោះបា.ក់ដីនេះ បានកើតមាននៅភូមិបឹងកាចូត ឃុំព្រៃកក់, ភូមិខ្ពបតាងួន ឃុំខ្ពបតាងួន, ភូមិព្រែកស្តី ឃុំព្រះអណ្តូង, និង ភូមិពាមក្រៅ ឃុំពាមកោះស្នា ។ នៅក្រោយកើតហេតុ នៅថ្ងៃទី០៣ ខែកក្កដា ឆ្នាំ២០២៤ លោក ឈុន ពុទ្ធារិទ្ធ អគ្គនាយកនៃអគ្គនាយកដ្ឋានកិច្ចការបច្ចេកទេស ក្រសួងធនធានទឹក និងឧតុនិយម បានដឹកនាំក្រុមការងារបច្ចេកទេស នៃនាយកដ្ឋានជលសាស្ត្រ និងការងារទន្លេចុះពិនិត្យភ្លាមៗ ។
លោក ឈុន ពុទ្ធារិទ្ធ អគ្គនាយកនៃអគ្គនាយកដ្ឋានកិច្ចការបច្ចេកទេស ក្រសួងធនធានទឹក និងឧតុនិយម លោកបានបញ្ជាក់ថា ការបា.ក់ច្រាំងទន្លេនេះ បណ្តាលមកពីបម្រែបម្រួលចរន្តទឹក ដោយសារការរីកដុះដីកាន់តែធំនៅខាងមុខច្រាំងបា.ក់ និងជម្រាបទឹកក្រោមដីផ្នែកខាងលើ។
លោក ឈុន ពុទ្ធារិទ្ធ អគ្គនាយកនៃអគ្គនាយកដ្ឋានកិច្ចការបច្ចេកទេស ក្រសួងធនធានទឹក និងឧតុនិយម ក៏បានស្នើឱ្យមានការចុះសិក្សាគ្រោងប្លង់លម្អិត និងលើកគម្រោងតម្លៃប៉ាន់ស្មាន ពីសំណាក់មន្ត្រីបច្ចេកទេស នៃនាយកដ្ឋានជលសាស្ត្រ និងការងារទន្លេ ព្រមទាំងក្រុមការងារដ្រូន Lidar ដើម្បីឆ្លើយតបផងដែរ ៕
