ខេត្តកំពង់ឆ្នាំង ៖ ថ្ងៃអង្គារ ១១កើត ខែមាឃ ឆ្នាំថោះ បញ្ចស័ក ព.ស.២៥៦៧ ថ្ងៃទី២០ ខែកុម្ភៈ ឆ្នាំ២០២៤ ក្រុមការងារការងារខណ្ឌរដ្ឋបាលជលផលកំពង់ឆ្នាំង ដឹកនាំដោយលោក លីឡា នាយខណ្ឌរដ្ឋបាលជលផលកំពង់ឆ្នាំង សហការជាមួយគណ:បញ្ជាការឯកភាពស្រុកជលគីរីបានចុះទៅដល់មូលដ្ឋាន ភូមិកំពង់បាស្រូវ ឃុំជលសា ស្រុកជលគិរី ខេត្តកំពង់ឆ្នាំងដោយធ្វើការផ្សព្វផ្សាយច្បាប់ស្តីពីជលផល ជាពិសេសផ្តោតលើការចលនាឲ្យអ្នកនេសាទដែលប្រើប្រាស់ឧបករណ៍ឆក់ត្រី ស្ម័គ្រចិត្តប្រគល់ជូនសមត្ថកិច្ច ដើម្បីរួមគ្នាលុបបំបាត់ការប្រើប្រាស់ឧបករណ៍ខុសច្បាប់នេះបន្តទៀត។
ជាលទ្ធផល ប្រជាពលរដ្ឋចំនួន៨ រូប បានប្រគល់ឧបករណ៍ឆក់ត្រីជូនជំនាញជលផលរួមមាន៖
_ អាំងវែកទ័រឆក់ត្រជាក់ចំនួន០៧ គ្រឿង ។
_ អាំងវែកទ័រឆក់ត្រីប្រភេទក្តៅ ចំនួន ០១ គ្រឿង សរុប ចំនួន ០៨គ្រឿង ៕
