ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា នៅព្រឹកថ្ងៃទី ២ ខែវិច្ឆិកា ឆ្នាំ២០២៣ បានលើកទឹកចិត្តឲ្យ វិស័យឯកជន ចូលរួមជាមួយរដ្ឋតែម្ដង ក្នុងនាមជាដៃគូ ។ សម្តេចបានថ្លែងក្នុងឱកាស អញ្ជើញជួបសំណេះសំណាល ជាមួយកម្មករ និយោជិត ប្រមាណ ១៨.១៩០ នាក់ មកពីបណ្តារោងចក្រ សហគ្រាសចំនួន ២៩ ក្នុងខេត្តកណ្តាល។
សម្តេចធិបតី ហ៊ុន ម៉ាណែត បានថ្លែងថា យើងបើកច្រកឱ្យវិស័យឯកជនដើរតួនាទី សំខាន់ ក្នុងការចាត់តាំងពិនិត្យយន្តការ នៃការតម្រង់ទិស ដើម្បីត្រៀមលក្ខណៈនៅពេល អនាគត ។ ត្រូវបែងចែកភារកិច្ចគ្នាឲ្យដាច់ ក្នុងការបណ្ដុះបណ្ដាល ក្រសួងអប់រំ បណ្តុះ បណ្តាលអ្វី ក្រសួងការងារ បណ្ដុះបណ្ដាលអ្វី និងក្រសួងផ្សេងៗទៀត ត្រូវធ្វើអ្វី ។
សម្តេចធិបតី បានបន្តថា “ខ្ញុំចង់លើកទឹកចិត្តឲ្យវិស័យឯកជន ចូលរួមជាមួយរដ្ឋតែម្ដង ក្នុងនាមជាដៃគូ ជួយគិតជួយធ្វើ តែម្ដង”។
សម្តេចបន្តថាជួយគិតបានន័យថាជួយផ្ដល់យោបល់ជាមួយក្រសួង ការងារ,ក្រសួងអប់រំថាតើជំនាញអ្វីដែលខ្លួនត្រូវការហើយជួយបណ្ដុះបណ្ដាក់ឲ្យខ្ញុំផង។ ជួយធ្វើគឺអាចបញ្ជូនគ្រូបច្ចេកទេសមកជួយតែម្ដងហើយបណ្ដុះបណ្ដាដោយខ្លួនឯងក៏ បាន”។
សម្តេច បានបន្តថា វិស័យឯកជនមិនមែនជាសត្រូវរបស់រដ្ឋទេ គឺជាដៃគូដ៏ល្អរបស់រដ្ឋ គឺទាំងអស់គ្នា រួមគ្នាដើម្បីបង្កើតការងារ,បង្កើតផលប្រយោជន៍ ជូនប្រជាពលរដ្ឋរបស់ យើង។ រួមគ្នាគិត រួមទាំងការគិតគូរ អំពីអត្ថប្រយោជន៍ ជីវភាពរស់នៅ សុខភាពនិង ការបណ្ដុះបណ្ដាលធនធានមនុស្ស នេះជាអ្វីដែលយើងត្រូវ, ត្រូវមានការបត់បែន យើងមិនអាចរឹងកំព្រឹះនោះទេ។
សម្តេចធិបតី សុំឲ្យវិស័យឯកជន ក្រុមហ៊ុន រួមគ្នាជាមួយរដ្ឋ រួមគ្នាធ្វើ រួមគ្នាគិត ដើម្បី ផលប្រយោជន៍ ប្រជាពលរដ្ឋយើងទាំងអស់គ្នា ក្នុងការបណ្ដុះបណ្ដាលវិជ្ជាជីវៈនេះ។ កិច្ចការងារនេះ ជាកិច្ចការងារជាក់ស្ដែង បើយើងមិនបានជួយប្រជាពលរដ្ឋ មិនបានជួយ លើកកម្ពស់សមត្ថភាពរបស់គាត់ គឺមិនអាចទៅរួចទេ ៕
