កណ្ដល៖ឈាមស្រែកស្បែកហៅ នៅថ្ងៃទី ៧ ខែតុលា ឆ្នាំ២០២៣ នៅក្រុងប៉ោយប៉ែត សមត្ថកិច្ច ចាប់បានហេីយ បុរសដែលកាប់សម្លាប់ប្រពន្ធនិងកូន នៅស្រុកកណ្ដាលស្ទឹង ខេត្តកណ្តាល។ ករណីឃាតកម្ម សម្លាប់ប្រពន្ធ និងកូន បានកេីតឡេីង កាលពីព្រឹកថ្ងៃទី ៦ ខែតុលា ឆ្នាំ២០២៣ ស្ថិតនៅក្នុងភូមិពោធិ៍ស្មាត ឃុំជើងកើប ស្រុកកណ្តាលស្ទឹង ខេត្តកណ្តាល។
ជនសង្ស័យ ជាប្តីឈ្មោះ ម៉ែន សំអាង អាយុ ៣៦ ឆ្នាំ មុខរបរជាកម្មករ រស់នៅភូមិ ឃុំ កើតហេតុខាងលើ។ ជនរងគ្រោះ ជាប្រពន្ធឈ្មោះ ឃឿន ស្រីវលក្ខណ៍ អាយុ ៣០ ឆ្នាំ ចំណែកកូនស្រី ឈ្មោះ អឿន ចន្ទសីម៉ា អាយុ ២ឆ្នាំ។
មេប៉ុស្តិ៍រដ្ឋបាលឃុំជើងកើប បានឲ្យដឹងថា មុនពេលកើតហេតុ ស្ត្រីរងគ្រោះដែលត្រូវជា ប្រពន្ធ បានទៅដាក់ពាក្យសុំលែងលះគ្នា នៅសាលាឃុំ ប៉ុន្តែមន្ត្រីសាលាឃុំ ជាប់រវល់ ក៏បានត្រឡប់មកផ្ទះវិញ។ ស្រាប់តែនៅព្រឹកថ្ងៃទី ៦ ខែតុលា ឆ្នាំ២០២៣ ក៏ឮដំណឹងថា គេប្រទះឃើញជនរងគ្រោះ ដែលជាម្តាយ និងកូន បានស្លាប់ក្នុងថ្លុកឈាម ទីតាំងផ្ទះជនរងគ្រោះខាងលើ៕
