បន្ទាយមានជ័យ៖ ចៅអធិកាវត្តទក្ខិណគង្គារាម ហៅ វត្តអញ្ចាញ ឃុំឬស្សីក្រោក ស្រុកមង្គលបូរី បានសឹក និងក្រោយពីប្រឡងជាប់ក្របខ័ណ្ឌនគរបាលជាតិ ទើបគណ:សង្ឃ និងមន្ទីរធម្មការនិងកិច្ចការសាសនា ខេត្ត បានសម្រេចតែងតាំងចៅអធិការ គ្រូសូត្រស្តាំ គ្រូសូត្រឆ្វេងថ្មីនៃវត្តនេះឡើងវិញ។
មន្ត្រីសង្ឃសាលាគណស្រុក និងខេត្តបានអានប្រកាសតែងតាំងព្រះគ្រូចៅអធិការថ្មីនាម ជោតិរក្ខិតោ ផាត សំភុត ព្រះជន្ម២៤ វស្សា ជំនួសចៅអធិការចាស់នាម សុខ សាម៉ាន ដែលប្រឡងជាប់ក្របខ័ណ្ឌជាមន្ត្រីនគរបាលជាតិហើយបានសឹក។ក៏តែងតាំងគ្រូសូត្រស្តាំព្រះនាម ឡោម ឡេត និងគ្រូសូត្រឆ្វេងព្រះនាម ពីង គឹមម៉ាប់ ។
ពិធីបានប្រព្រឹត្តិទៅកាលពីព្រឹកថ្ងៃ ទី២៧ ខែកក្កដា ឆ្នាំ២០២៣ មានការនិមន្តជាព្រះអធិបតីព្រះឧត្តមសីលញាណ ធុល សុធា ព្រះមេគណខេត្ត លោក លី សារី អភិបាលរងខេត្ត តំណាងអភិបាលខេត្តបន្ទាយមានជ័យ និងលោក បៀវ ថាន ប្រធានមន្ទីរធម្មការនិងសាសនាខេត្ត៕
