(ភ្នំពេញ)៖ កម្លាំងកងរាជអាវុធហត្ថរាជធានីភ្នំពេញ បាននិងកំពុងបន្ដសកម្មភាពចូលរួមការពារសន្ដិសុខ រក្សាសណ្ដាប់ធ្នាប់ និងសុវត្ថិភាព សម្រាប់ការប្រកួតកីឡាស៉ីហ្គេម លើកទី៣២ ឆ្នាំ២០២៣ នៅពហុកីឡដ្ឋានជាតិអូឡាំពិក ជាមួយកងកម្លាំងមានសមត្ថកិច្ចផ្សេងទៀត។
ការប្រកួតកីឡាស៉ីហ្គេមលើកទី៣២ ដែលកម្ពុជាធ្វើជាម្ចាស់ផ្ទះនេះ បាននិងកំពុងប្រព្រឹត្តិទៅដោយរលូនមិនមានបញ្ហាណាមួយកើតឡើងនោះទេ ខណៈក្រុមកីឡាករ កីឡាការិនី បណ្ដាប្រទេសនានា រួមទាំងកម្ពុជាដែរនោះ កំពុងតែសស្រាក់សស្រាំប្រកួតដណ្ដើមមេដាយរៀងៗខ្លួន។
យោងតាមលទ្ធផលផ្លូវការរបស់ SeaGames 2023 បង្ហាញឲ្យដឹងថា គិតត្រឹមម៉ោង៦៖៣០នាទីល្ងាច ថ្ងៃទី១៣ ខែឧសភា ឆ្នាំ២០២៣នេះ កម្ពុជាឈរលេខរៀងទី៣ បន្ទាប់ពីវៀតណាម និងថៃ ដោយមានមេដាយសរុបចំនួន ១៨២គ្រឿង ក្នុងនោះមេដាយមាស ៥៨គ្រឿង, មេដាយប្រាក់ចំនួន ៥០គ្រឿង និងមេដាយសំរិទ្ធចំនួន ៧៤គ្រឿង៕
