ខេត្តកំពង់ធំ÷ មហាជនបានផ្តល់ព័ត៌មានច្បាស់ការ និងធ្វើការរិះគន់ចំៗទៅលើអាជ្ញាធរ និងមន្ត្រីជំនាញពាក់ព័ន្ធនានានៅលើទឹកដី ខេត្តកំពង់ធំ ដែលគ្មានវិធានការណ៍ទប់ស្កាត់ ឬបង្ក្រាបបទឧក្រិដ្ឋនៃការបំផ្លាញព្រៃឈើដោយបានដាក់ការសង្ស័យថា ប្រាកដជាមានការឃុបឃិតពុរលួយស៊ីជម្រៅលើករណីនេះហើយ ទើបមេឈ្មួញទាំងនោះ ប្រមូលទិញ និងដឹកឈើជញ្ជូនយ៉ាងអនាធិបតេយ្យដោយគ្មានញញើតច្បាប់ ឬទើសមន្ត្រី ឬជំនាញណានោះឡើយ…។
សំនួរសួរថា តើ អាងអី នរណានៅក្រោយខ្នង នរណាខ្លះជាអ្នកទទួលផលប្រយោជន៍ពីមុខរបរបំផ្លាញជាតិធធធានធម្មជាតិ របស់មេឈ្មួញដុះស្លែក្បាលរឹងរូបនោះ…? ជាចៅហ្វាយខេត្ត ឬប្រធានមន្ទីរកសិកម្មរុក្ខាប្រមាញ់ និងនេសាទ ឬក៏ប្រធានមន្ទីរបរិស្ថានខេត្ត…? ទើបមេឈ្មួញដុះស្លែក្បាល់រឹងរូបនោះប្រកបមុខរបរបំផ្លាញជាតិនេះរាប់ទសវត្ស៍មកហើយៗគ្មានទើសក្បាល ឬភ្នែកអាជ្ញាធរ ឬជំនាញពាក់ព័ន្ធណាម្នាក់រហូតមកដល់បច្ចុប្បន្ន…។
ប្រភពដដែលបានបន្ថែមថាបើគ្មានការឃុបឃិតពីអាជ្ញាធរពាក់ព័ន្ធក្នុងខេត្តតាមរយៈការសូកប៉ាន់($)នោះទេ ពិតណាស់មេឈ្មួញទាំងនោះប្រចាំខេត្ត មិនអាចឈរជើងប្រមូលទិញឈើ និងដឹកជញ្ជូនយកទៅលក់បានឡើយ គឺជៀសមិនផុតឡើយពីការបង្ក្រាបជាក់ជាមិនខាន ។
ប្រភពពីប្រជាពលរដ្នបានបង្ហើបឲ្យដឹងថា នៅ ឃុំសុចិត្រ ស្រុកសន្តាន់ ខេត្តកំពង់ធំ
ក្រុមឈ្មួញទាំងនោះប្រើប្រាស់ឧបករណ៍ គោយន្តកន្ត្រៃ ឬរថយន្តកែច្នៃរាប់សិបគ្រឿងឲ្យដឹកជញ្ជូនឈើដោយរលូនគ្មានសមត្ថកិច្ច ឬជំនាញណាបង្កាបនោះឡើយ។
សំនួរសួរថា តើលោកចៅហ្វាយខេត្ត ក្នុងនាមជាគណៈបញ្ជាការឯកភាពខេត្ត ឬមានឆន្ទៈបំផ្លាញព្រៃឈើដូច ក្រុមឈ្មួញទាំងនោះ ដែរឬយ៉ាងណា…? ឬក៏ជាប្រភេទមន្ត្រីបែបអ្នកតា រង់ចាំគេយកដង្វាយមកសែនឲ្យ …?។
ប្រភពដដែលបានឱ្យដឹងទៀតថា សព្វថ្ងៃមេឈ្មួញទាំងនោះបាន និងកំពុងបំផុសប្រជាពលរដ្ឋនានាឲ្យចូលទៅកាប់ទន្ទ្រានព្រៃឈឺនៅក្នុងតំបន់ព្រៃឡង់ ហើយក៏គ្មានរំខានសមត្ថកិច្ចជំនាញពាក់ព័ន្ធតាំងពីថ្នាក់ខេត្តរហូតដល់មូលដ្ឋានធ្វើការបង្ក្រាបឡើយ ។
ប្រភពបន្តថា ដោយសារតែមានការឃុបឃិតគ្នាពុករលួយតាំងពីមន្ត្រីជំនាញថ្នាក់ក្រោមរហូតទៅដល់ថ្នាក់ខេត្តអញ្ចឹងហើយ ទើបគ្មានការអើពើនិងទប់ស្កាត់ ឬក៏ បង្ក្រាបពីសំណាក់អាជ្ញាធរខេត្តនោះទេ បើទោះជាមានសារព័ត៌មានចេញផ្សាយជាច្រើនអង្គភាពយ៉ាងណាក៏ដោយ ក៏គេ ធ្វើគរធ្វើថ្លង់ហាក់ដូចជាគ្មានរឿងអ្វីកើតឡើងអ៊ីចឹង…។
ប្រជាពលរដ្ឋលោកមានការងឿងឆ្ងល់និងចោទជាសំណួរថា បើមន្ត្រីធំៗនៅក្នុងខេត្តមិនអើពើ មិនយកចិត្តទុកដាក់ក្នុងការទប់ស្កាត់និងបង្ក្រាបឈ្មួញបំផ្លាញជាតិ ដើម្បីលុយនិងឈ្មួញដទៃទៀត តើស័ក្តិសមជាអ្នកស៊ីប្រាក់ខែរាស្ត្រដែរឬទេ…? អស់លោកគួរមានមនសិការខ្មាស់អៀនមន្ត្រីនៃប្រទេសជិតខាងផង ធ្វើជាអ្នកបម្រើរាស្ត្រ គួរតែបម្រើដោយភាពស្មោះត្រង់ និងការទទួលខុសត្រូវខ្ពស់ ព្រមទាំងថែរក្សាការពារឲ្យបាននូវធនធានធម្មជាតិពីក្រុមទុរិច្ចជន ឬឈ្មួញទុច្ចរិត ជាដើម។ តើមានមន្ត្រីថ្នាក់ណាដែលអាចបង្ក្រាបនិងទប់ស្កាត់ឲ្យព្រៃឈើនៅគង់វង្សបាន …?
មហាជនបានសំណូមពរថា បើ ចៅ
ហ្វាយខេត្ត ឬក្រសួងកសិកម្ម រុក្ខាប្រមាញ់ និងនេសាទ និង ក្រសួងបរិស្ថាន គ្មានឆន្ទៈការពារ ទប់ស្កាត់ និងបង្ក្រាបការកាប់ទន្ទ្រាន និងការបំផ្លាញធនធានធម្មជាតិពីក្រុមឈ្មួញទុច្ចរិតទាំងនោះទេគួរណាលាលែងពីតំណែងទៅ ព្រៃឈើជិតរលាយផុតរលត់អស់ហើយ។
