(កំពង់ចាម)៖ លោកបណ្ឌិត សុខ ចាន់ភក្តី អនុប្រធានក្រុមការងារចុះមូលដ្ឋានស្រុកកោះសូទិន និងជាប្រធានក្រុមការងារចុះមូលដ្ឋានឃុំពាមប្រធ្នោះ ស្រុកកោះសូទិន តំណាងលោក ខៀវ កាញារីទ្ធ ដឹកនាំកិច្ចប្រជុំផ្សព្វផ្សាយខ្លឹមសារមហាសន្និបាតវិសាមញ្ញទូទាំងប្រទេសរបស់គណបក្សប្រជាជនកម្ពុជា នៅឃុំពាមប្រធ្នោះ ស្រុកកោះសូទិន ខេត្តកំពង់ចាម នាព្រឹកថ្ងៃទី២១ ខែកុម្ភៈ ឆ្នាំ២០២៣នេះ។
ក្នុងឱកាសនោះ លោកបណ្ឌិត សុខ ចាន់ភក្ដី បានគូសបញ្ជាក់នូវអ្វីដែលជាលទ្ធផលសំខាន់ៗ នៃមហាសន្និបាតវិសាមញ្ញតំណាងទូទាំងប្រទេសរបស់គណបក្សប្រជាជនកម្ពុជា ដោយសង្ខេបហើយនោះ ជូនសមាជិក សមាជិកាទាំងអស់ដែលបានចូលរួម។ លោកក៏បានអះអាងថា «ដើម្បីសន្តិភាពដែលរកបានដោយលំបាកមួយនេះ ខ្ញុំបានចុះមូលដ្ឋានប្រមាណជាង១៥ឆ្នាំមកទល់ពេលនេះ ហើយមានតែគណបក្សប្រជាជនតែមួយគត់ដែលជាស្នូលនៃសន្តិភាព»។
បន្ទាប់មកលោកបណ្ឌិត សុខ ចាន់ភក្ដី និងក្រុមការងារបានជួបសំណេះសំណាល និងគល់ថវិកាមួយចំនួនដល់សមាជិក និងក្រុមកីឡាបាល់ទាត់យុវជនឃុំផងដែរ៕
