(ក្រុងប៉ោយប៉ែត) ៖ ទីតាំងល្បែងស៊ីសងជល់មាន់ និងអាប៉ោងដ៏ធំមួយឬពីរកន្លែង ស្ថិតនៅភូមិទួលពង្រ សង្កាត់អូរឬស្សី និងមួយកន្លែងទៀតស្ថិតនៅភូមិក្បាលស្ពាន ហៅស្រះទឹក សង្កាត់ប៉ាឡាល័យ ក្រុងប៉ោយប៉ែត ខេត្តបន្ទាយមានជ័យ កំពុងតែបើកឲ្យប្រជាពលរដ្ឋ ខ្មែរចូលលេង សង្ស័យសមត្ថកិច្ច ជាអ្នកបើកភ្លើងខៀវ បានជាមិនហ៊ានធ្វើការចុះបង្ក្រាបទីតាំងបនល្បែងស៊ីសងជល់មាន់ និងអាប៉ោងនេះឡើយ មហាជនរិះគន់អាជ្ញាធរមានសមត្ថកិច្ចថា ផ្ដើមចេញពីល្បែងស៊ីសងនោះហើយ បានធ្វើឲ្យកើតមានអំពើចោរកម្មនិងអំពើហិង្សា ក្នុងគ្រួសារ ដែលធ្វើឲ្យប៉ះពាល់យ៉ាងខ្លាំងដល់សន្តិសុខសង្គមនាពេលបច្ចុប្បន្ននេះ។
ពលរដ្ឋបានលើកឡើងថាកន្លែងល្បែងស៊ីសងខាងលើ កំពុងតែបើកលេងភ្នាល់មិនរំខានដល់សមត្ថកិច្ចនិងអាជ្ញាធរក្នុងក្រុងប៉ោយប៉ែតនោះឡើយ ដែលគេអះអាងថាមានអ្នកធំបានរត់ការបង់លុយឲ្យសមត្ថកិច្ចពាក់ព័ន្ធក៏ដូចអាជ្ញាធររួចរាល់អស់ហើយ ទើបទីតាំងល្បែងស៊ីសងខាងលើនេះ បើកឲ្យលេងភ្នាល់ដាក់លុយយ៉ាងរលូនដូច្នេះ។
ប្រភពពីប្រជាពលរដ្ឋបានឲ្យដឹងថាទីតាំងល្បែងស៊ីសងជល់មាន់ដ៏ធំមួយឬពីរកន្លែងខាងលើនេះ បានបើកលេងជាយូរណាស់មកហើយបើទោះដើម្បីប្រមុខរាជរដ្ឋាភិបាលប្រកាស់បិទល្បែងស៊ីសងទូទាំងប្រទេសក្ដី ក៏កន្លែងពីរនេះនៅតែបើកលេង បានដោយរលូនមិនមានការរំខានដល់សមត្ថកិច្ច និងអាជ្ញាធរ ក្រុងប៉ោយប៉ែតនោះឡើយ ។ប្រជាពលរដ្ឋសំណូមពរដល់ លោកសៅសារឿន អធិការក្រុងប៉ោយប៉ែត និងលោក សិទ្ធិ ឡោះស្នងការខេត្តបន្ទាយមានជ័យ មេត្តាជួយចាត់មន្ត្រីជំនាញចុះពិនិត្យទីតាំងជល់មាន់នេះផងទាន។
យើងខ្ញុំចុះផ្សាយរិះគន់ដើម្បីស្ថាបនាតែប៉ុណ្ណោះ មិនមានគោលបំណងអាក្រក់នោះឡើយ។
