ខេត្តបន្ទាយមានជ័យ ៖ មួយរយះចុងក្រោយនេះ សមត្ថកិច្ច ស្រុកមង្គល់បូរី ខេត្តបន្ទាយមានជ័យ ហាក់បីដូចជា កំពុងតែផ្គើន និងបទបញ្ជា របស់សម្តេចតេជោហ៊ុនសែន យ៉ាងពេញបន្ទុក ក្នុងការមិនទប់ស្កាត់ និងបង្ក្រាបល្បែងស៊ីសងប្រភេទ អាប៉ោងដុះស្លែរ មួយកន្លែង នៅចំណុចភូមិសឿ ឃុំសឿ ស្រុកមង្គលបូរី ខេត្តបន្ទាយមានជ័យ ដែលកំពុងតែបើកលេង យ៉ាងអនាធិបតេយ្យជាទីបំផុត ដោយមិនញញើតទោសទណ្ឌ ។
សូមបញ្ជាក់ថា កាលថ្ងៃទី ១៧ ខែកញ្ញា ឆ្នាំ ២០២២ កន្លងទៅនេះ សម្ដេចតេជោ ហ៊ុន សែន បានចេញបទបញ្ជា ដាច់ណាត់មួយ ឲ្យអភិបាលរាជធានីខេត្ត ទាំង ២៥ ខេត្តក្រុង ត្រូវបិទទីតាំងបនល្បែងសុីសង គ្រប់ប្រភេទទាំងអស់ឧ្យខាងតែបាន។ សម្តេចតេជោហ៊ុនសែន បានបញ្ជាក់យ៉ាងច្បាស់ៗទៀតថា អាជ្ញាធរស្រុក ក្រុង ខេត្តណា ដែលមិននាំគ្នាទប់ស្កាត់និងបង្ក្រាប បទល្មើសល្បែងស៊ីសង នៅក្នុងមូលដ្ឋានរបស់ខ្លួនទេ អាជ្ញាធរនិងសមត្ថកិច្ចទាំងនោះ និងត្រូវប្រឈមបាត់បង់តំណែងទៀតផង ។
មហាជនលើកឡើងថា អាជ្ញាធរមានសមត្ថកិច្ចពាក់ព័ន្ធ នៅក្នុងស្រុកមង្គលបូរី បានរក្សាភាពស្ងៀមស្ងាត់ មិនចាត់វិធានការណ៌ ផ្លូវច្បាប់ទៅលើ លោក ឡី ដែលគេស្គាល់ច្បាស់ថាជា មេបនល្បែងអាប៉ោងដុះស្លែរក្នុងភូមិឃុំខាងលើ ដែលកំពុងតែដំណើរការ យ៉ាងអនាធិបតេយ្យជាទីបំផុត។
មហាជនបានលើកឡើងថា វង់អាប៉ោងដុះស្លែរខាងលើនេះ សង្ស័យអាជ្ញាធរមូលដ្ឋាន រក្សាទុកឆ្នាំងបាយ ឬអាចនិងត្រូវថ្នាំសណ្តំ ឬទទួលលាភពីមេបនល្បែងខាងលើអស់ហើយមើលទៅ ទើបបានជារក្សាភាពស្ងៀមស្ងាត់ មិនអនុវត្តន៌តាម បទបញ្ជាររបស់សម្តេចតេជោហ៊ុនសែន ស្តីពីការទប់ស្កាត់បទល្មើសល្បែងស៊ីសងគ្រប់ប្រភេទ។
ជុំវិញករណីខាងលើនេះ មហាជនបានសំណូមពរដល់ លោក សិទ្ធ ឡោះ ស្នងការនគរបាលខេត្តបន្ទាយមានជ័យ មេត្តាចាត់វិធានការតាមផ្លូវច្បាប់ ចំពោះទីតាំងបនល្បែងអាប៉ោងដុះស្លែរខាងលើ៕
