ប៉ៃលិន ÷នៅថ្ងៃទី០៨ ខែកុម្ភះ ឆ្នាំ២០២៣ ឯកឧត្តម ហុក សុផល អភិបាលរងខេត្ត និងជាតំណាងដ៏ខ្ពង់ខ្ពស់របស់លោកជំទាវ បាន ស្រីមុំ អភិបាលខេត្តប៉ៃលិន បានដឹកនាំប្រតិភូ ចូលរួមប្រជុំពិភាគ្សាការងារ ជាមួយរដ្ឋបាលខេត្តចាន់ថៈបុរី ព្រះរាជាណាចក្រថៃ ដែលដឹកនាំដោយ ឯកឧត្តម មុនស៉ីត ផៃសានណាវ៉ាត់ ( H.E. Monsit Paisanthanawat )អភិបាលខេត្តចាន់ថាបុរី នៃព្រះរាជាណាចក្រថៃ នៅរីស៊ត Soidao Goodviews Resort ស្ថិតនៅ ស្រុកពោងណាំរន ខេត្តចាន់ថៈបូរី ដើម្បីពង្រឹងចំណងមិត្តភាព និងកិច្ចសហប្រតិបត្តិការ រវាងខេត្តនៅជាប់ព្រំដែននៃប្រទេសទាំង២ ឱ្យបានកាន់តែជិតស្និទ្ធបន្ថែមទៀត ជាពិសេសកិច្ចប្រជុំផ្តោតលើ ៣ចំណុចសំខាន់ៗរួមមាន៖
១.ទាក់ទងនឹងការនាំចូល-នាំចេញកសិផល តាមច្រកព្រំដែនបានផាកាត ស្រុកពោងណាំរ៉ន ខេត្តចាន់ថៈបុរី ។
២.ស្តីពីកិច្ចសហប្រតិត្តិការផ្នែកសុខភាពសាធារណៈ រវាងខេត្តបានជាបុរី ព្រះរាជាណាចក្រថៃ និងខេត្តប៉ៃលិន នៃព្រះរាជាណាចក្រកម្ពុជា ដូចជាការបញ្ជូនអ្នកជំងឺឆ្លងព្រំដែនកម្ពុជា-ថៃ។
៣.ការសាងសង់ស្ពានឆ្លងដែន នៅច្រកទ្វារព្រំដែនអន្តរជាតិព្រំ បានផាកាត ស្រុកពោងណាំរ៉ន ខេត្តចាន់ថៈបុរី ។
