នៅថ្ងៃទី២៥ ខែមករា ឆ្នាំ២០២២ វេលាម៉ោង ១១ម៉ ៣០នាទី រូបខ្ញុំបានអង្គុយលេងជាមួយបងៗ នៅចំណុចផ្លូវបឹងកក់កន្លែងវាយកូនហ្គោល ភូមិ២ សង្កាត់ស្រះចក ខណ្ឌដូនពេញ ភ្នំពេញ ស្រាប់តែពេលនៅជនសង្ស័យនិងបក្ខពួកបានលោតចុះពីលើម៉ូតូ ប្រដាប់ដោយកាំបិត ឈើជ្រុង ដាវ ដុំថ្មជាច្រើនពេលនោះ បានរត់សំដៅមកដេញវាយមកលើរូបខ្ញុំដោយយកដាវកាប់មកលើរូបខ្ញុំតែមិនមុត រួចយកដំថ្មវាយពីក្រោយក្បាលហូរឈាម ។ ពេលនោះ រូបខ្ញុំបានដួលសន្លប់ស្រាប់តែជនសង្ស័យនឹងបក្ខពួកបានជិះគេចខ្លួនបាត់។
ជនសង្ស័យ រួមមាន ៖
១-ឈ្មោះ ពាន វាសនា ភេទប្រុស ជនជាតិខ្មែរ អាយុ ១៥ឆ្នាំ មុខរបរសិស្ស ស្នាក់នៅសង្កាត់ទួលសង្កែ ខណ្ឌឬស្សីកែវ ភ្នំពេញ ។
២-ឈ្មោះ ពេជ្រ រ៉ាវីត ភេទប្រុស ជនជាតិខ្មែរ អាយុ ១៥ឆ្នាំ មុខរបរសិស្ស ស្នាក់នៅសង្កាត់បឹងត្របែក ខណ្ឌចំការមន ភ្នំពេញ
៣-ឈ្មោះ សិមសុខ រតនា ភេទប្រុស ជនជាតិខ្មែរ អាយុ១៤ឆ្នាំ ស្នាក់នៅសង្កាត់បឹងត្របែក ខណ្ឌំចការមន ភ្នំពេញ ។
ជនរងគ្រោះ ឈ្មោះ សំ អ៊ែលម៉េងលី ភេទប្រុស អាយុ១៦ឆ្នាំ មុខរបរសិស្ស ស្នាក់នៅផ្ទះជួល ផ្លូវលំ ភូមិទំនប់១ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។
បន្ទាប់ពីទទួលបានបណ្តឹងពីជនរងគ្រោះ អធិការដ្ឋាន ប៉ុស្តិ៍នគរបាលរដ្ឋបាល បានឈានដល់ការបង្ក្រាប់ជនសង្ស័យខាងលើ និងបង្កសំណុំរឿងតាមនីតិវិធី ៕
