ខេត្តបន្ទាយមានជ័យ៖ នៅព្រឹកថ្ងៃពុធ ១២រោច ខែ បុស្ស ឆ្នាំ ខាលចត្វាស័ក ព.ស២៥៦៦ ត្រូវនឹងថ្ងៃទី ១៨ ខែ មករា ឆ្នាំ២០២៣ លោកវរសេនីយ៍ឯក សៅ សារឿន អធិការនគរបាលក្រុងប៉ោយប៉ែត ដឹកនាំកិច្ចប្រជុំផ្សព្វផ្សាយផែនការ ការពារ សណ្តាប់ធ្នាប់សាធារណ: និងសុវត្ថិភាពសង្គម និងបង្ការទប់ស្កាត់ រាល់បទល្មើស គ្រប់ប្រភេទ ក្នុងឱកាសបុណ្យចូលឆ្នាំថ្មីប្រពៃណីរបស់ចិន និងវៀតណាម។
លោកវរសេនីយ៍ឯក សៅ សារឿន អធិការនគរបាលក្រុងប៉ោយប៉ែត បានដាក់បទបញ្ជា ដល់គ្រប់ ផ្នែកជំនាញ និងប៉ុស្តិ៍នគរបាលរដ្ឋបាលទាំងប្រាំ ត្រូវរក្សាការពារ សន្តិសុខ សណ្តាប់ធ្នាប់សាធារណ: សុវត្ថិភាពសង្គមជូនប្រជាពលរដ្ឋនៅក្នុងមូលដ្ឋានគ្រប់គ្រងឲ្យមានប្រសិទ្ធភាពក្នុងពិធីបុណ្យចូលឆ្នាំថ្មីប្រពៃណីបស់ចិន និងវៀតណាម ប្រព្រឹត្តិទៅនាថ្ងៃទី២១ ដល់ថ្ងៃទី ២៤ ខែមករា ឆ្នាំ២០២៣ ខាងមុខនេះ៕
