ខេត្តកណ្ដាល៖ អ្នកនាំពាក្យសាលាដំបូងខេត្តកណ្ដាល លោក សូ សារិន នាថ្ងៃទី១៧ មករា នេះ បានថ្លែងប្រាប់ក្រុមអ្នកការណ៍ព័ត៌មានថា តុលាការបានសម្រេចឃុំខ្លួនបណ្ដោះអាសន្នចំពោះស្ត្រីដែលជួលអ្នកដទៃឲ្យសម្លាប់ប្ដីឯង និងឃាតកនោះ។
លោកថា ស្ត្រីដែលជាជនសង្ស័យទាំងពីរត្រូវបានចោទប្រកាន់ក្រោមបទ «ឃាតកម្មគិតទុកជាមុន» តាមមាត្រា២០០ នៃក្រមព្រហ្មទណ្ឌ ដែលបទនេះជនសង្ស័យអាច ប្រឈប់មុខ នឹងការជាប់ពន្ធនាគារអស់មួយជីវិត ។
ស្ត្រីរូបនេះឈ្មោះ សាន់ ធីតា ជាជាងអ៊ុតសក់ និងជនដៃដល់ឈ្មោះ ធួក រ៉ាវី ហៅ ជា អាយុ៣៣ឆ្នាំ មុខរបរបើកឡានក្រឡុកសុីម៉ង់ ត្រូវបានសមត្ថកិច្ចចាប់ខ្លួនកាលពីថ្ងៃទី ១៥ មករា រំលងពីរថ្ងៃបន្ទាប់ពីសម្លាប់ប្ដីរបស់ខ្លួនឈ្មោះ ខឹម ផល្លី ជាតិបុគ្គលិកមីក្រូហិរញ្ញវត្ថុ ក្នុងតម្លៃឈ្នួល១០០០ដុល្លារ នោះ៕
