បន្ទាយមានជ័យ ÷ ដោយមានការចង្អុលបង្ហាញនិងយកចិត្តទុកដាក់ពី លោកវរសេនីយ៍ឯក សួង សៅ មេបញ្ជាការវីរៈសេនាតូចការពារព្រំដែនគោកលេខ ៨១៥នៅថ្ងៃសុក្រ ៨រោច ខែមិគសិរ ឆ្នាំខាល ចត្វាស័ក ព.ស២៥៦៦ ត្រូវនិងថ្ងៃទី១៦ ខែធ្នូ ឆ្នាំ២០២២ វេលាម៉ោង ០៨:៣០នាទី កម្លាំងប៉ុស្តិ៍សង្កែចំនួន ០២នាក់ដឹកដោយលោកវ ត្រីឡុក ធី នាយប៉ុស្តិ៍ នគរបាលការពារព្រំដែនគោកសហការជាមួយកម្លាំងយោធាវរៈ៥១១ (កងពល៥១) បានទប់ស្កាត់ប្រជាពលរដ្ឋចំនួន ០៥នាក់ (ស្រី០១នាក់ កុមារ០២នាក់) បម្រុងលួចដែនឆ្លងខុសច្បាប់ទៅប្រទេសថៃ នៅចំណុចមាត់អូរព្រំដែន (គោលដៅចំការក្រូចឆ្មារ) ក្នុងភូមិសង្កែ ឃុំបឹងបេង ស្រុកម៉ាឡៃ ។ គោលបំណងទៅកាប់អំពៅ ពួកគាត់មានទីលំនៅក្នុងខេត្តបន្ទាយមានជ័យ ។
បន្ទាប់ពីកម្លាំងប៉ុស្តិ៍នគរបាលការពារព្រំដែនគោកធ្វើការសួរនាំ និងធ្វើកិច្ចសន្យារួច បានប្រគល់ពួកគាត់ជូនផ្នែកជំនាញរបស់អធិការដ្ឋាននគរបាលស្រុកម៉ាឡៃ ដើម្បីចាត់ការបន្តតាមនិតិវិធីច្បាប់ ៕
