ខេត្តបន្ទាយមានជ័យ៖ នៅព្រឹកថ្ងៃពុធ ៦រោច ខែមិគសិរ ឆ្នាំខាល ចត្វាស័ក ព.ស២៥៦៦ ត្រូវនិងថ្ងៃទី១៤ ខែធ្នូ ឆ្នាំ២០២២នេះ លោកឧត្តមសេនីយ៍ទោ សិទ្ធិ ឡោះ ស្នងការ នគរបាលខេត្តបន្ទាយមានជ័យ បានអញ្ជើញចូលចូលរួមពីធី ក្រុងពាលី បញ្ចុះបឋមសិលា សាងសង់សាលារៀន១ខ្នង ចំនួន០៦បន្ទប់នៅសាលាបឋមសិក្សាក្បាលទន្សោង ក្នុងភូមិក្បាលទន្សោង ឃុំបន្ទាយឆ្មារ ស្រុកថ្មពួក ដែលជាអំណោយដ៏ថ្លៃថ្លារបស់ឯកឧត្តម នាយឧត្តមសេនីយ៍ កែ គឹមយ៉ាន ឧបនាយករដ្ឋមន្ត្រី ប្រធានក្រុមការងារថ្នាក់ជាតិ ចុះមូលដ្ឋានខេត្តបន្ទាយមានជ័យ និងលោកជំទាវឧកញ្ញ៉ា អគ្គមហាឧបាសិកា ពុទ្ធសាសន៍នូបត្ថម្ភក៏បណ្ឌិត ម៉ៅ ម៉ាល័យ ។
ពិធីបញ្ចុះបឋមសិលានេះ ត្រូវបានប្រារព្ធធ្វើឡើង ក្រោមអធិបតីភាព លោកជំទាវឧកញ្ញ៉ា អគ្គមហាឧបាសិកា ពុទ្ធសាសន៍នូបត្ថម្ភក៏បណ្ឌិត ម៉ៅ ម៉ាល័យ កែ គឹមយ៉ាន ឯកឧត្តម ស សុខា អនុរដ្ឋលេខាធិការក្រសួងអប់រំយុវជននិងកីឡា និងជាអនុប្រធានក្រុមការងារ ថ្នាក់ជាតិចុះជួយមូលដ្ឋានខេត្តបន្ទាយមានជ័យ និងលោកជំទាវ កែ សួនសុភី ។ ក្នុងនោះក៏មានការអញ្ជើញចូលរួមពី អាជ្ញាធរមូលដ្ឋាន លោក លោកស្រី មន្ត្រីរាជការ កងកម្លាំងប្រដាប់អាវុធ ប្រជាពលរដ្ឋ លោកគ្រូ អ្នកគ្រូ សិស្សានុសិស្សជាច្រើននាក់។
ថ្លែងក្នុងពិធីនេះ ឯកឧត្តម ស សុខា បានអំពាវនាវដល់បងប្អូនប្រជាពលរដ្ឋ មាតាបីតា អាណាព្យាបាល ត្រូវតែបញ្ជូនកូនតូចៗមករៀនឲ្យបានគ្រប់ៗគ្នា មានតែចំណេះដឹងតែប៉ុណ្ណោះ ទើបជួយឲ្យមនុស្សមានអានាគតល្អ មានជីវភាពធូរធា មានធនធានមនុស្សច្រើន ប្រទេសជាតិ រីកចម្រើន៕
