ខេត្តបន្ទាយមានជ័យ ៖ ដោយមានការណែនាំ និងការដាក់បទបញ្ជាពីលោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ នៅថ្ងៃទី១៣ ខែធ្នូ ឆ្នាំ២០២២ លោកវរសេនីយ៍ទោ ឈឿន គីមឈុន អធិការនគរបាលស្រុកថ្មពួក បានដឹកនាំកម្លាំងនគរបាលជាច្រើននាក់ និងកម្លាំងនគរបាលប៉ុស្តិ៍រដ្ឋបាលគំរូ ចូលរួមសហការណ៍ ជាមួយអាជ្ញាធរ ភូមិ.ឃុំ.ប្រជាការពារ ចុះជួយរុះរើនិងជួសជុលផ្ទះប្រជាពលរដ្ឋ ចំនួន១គ្រួសារ ដែលរងគ្រោះដោយអគ្គីភ័យកាលពីយប់មិញ។
ពលរដ្ឋដែលរងគ្រោះដោយអគ្គីភ័យ មានឈ្មោះ សាន ពើង ភេទស្រី អាយុ៧៤ឆ្នាំ រស់នៅភូមិព្រៃវែង ឃុំគំរូ ស្រុកថ្មពួក ខេត្តបន្ទាយមានជ័យ ដែលរងគ្រោះដោយ អគ្គីភ័យឆេះផ្ទះកាលពីយប់ថ្ងៃទី១២ ខែធ្នូ ឆ្នាំ២០២២៕
