ខេត្តស្វាយរៀង ៖ លោក ស៊ូ ម៉ុល អភិបាលស្រុកនិងលោកអ៊ីនសាប៊ន ប្រធានក្រុមប្រឹក្សាស្រុករមាសហែក បានអញ្ជើញចូលរួមជាអធិបតីក្នុងពិធីប្រគល់ស៊ីម៉ង់១០តោនដល់សាលាបឋមសិក្សាត្បែងរាំនិងសំណេះសំណាលជាមួយប្រជាពលរដ្ឋនិងបើកវេទិការសាធារណ:ចំនួន៤ភូមិមាន ភូមិអណ្ដូងខ្មត់ ភូមិព្រិច ភូមិព្រែកត្នោតនិងភូមិសំបួរ ស្ថិតនៅក្នុងឃុំសំបួរ ស្រុករមាសហែក នាព្រឹកថ្ងៃទី៩ខែធ្នូឆ្នាំ២០២២។
ក្នុងឪកាសនោះក៏មានការចូលរួមពីសំណាក់លោកនាយករដ្ឋបាលស្រុក លោកនាយក នាយករងសាលាបឋមសិក្សាត្បែងរាំលោកគ្រូអ្នកគ្រូ បងប្អូនប្រជាពលរដ្ឋចំនួន១៣៥នាក់។
លោក ស៊ូ ម៉ុល អភិបាលស្រុករមាសហែកបានថ្លែងអំណគុណដល់លោក មាស អែល ដែលបានឧបត្ថមស៊ីម៉ង់ក៏ដូចជាសប្បុរសជនទាំងអស់ដែលបានចំណាយថវិការផ្ទាល់ខ្លួនតិចក្ដីច្រើនក្ដីដើម្បីរួមចំណែកលើកស្ទួយវិស័យអប់រំក្នុងឃុំសំបួរក្នុងការកសាងអាគារសិក្សាថ្មីមួយខ្នងមាន៥បន្ទប់
ដែលកំពុងសាងសង់នាពេលនេះផងដែរ។
