ខេត្តបន្ទាយមានជ័យ៖ សកម្មភាពរបស់កម្លាំងនគរបាលខេត្តបន្ទាយមានជ័យ ចុះបំពេញបេសកកម្ម យាមល្បាត និងការពារសន្តិសុខ សណ្តាប់ធ្នាប់ក្នុងអំឡុងពេលប្រឡងសញ្ញាបត្រមធ្យមសិក្សាទុតិយភូមិ នៅថ្ងៃទី០៥–០៦-០៧ ខែធ្នូ ឆ្នាំ២០២២។
លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ បានចាត់តាំងលោកឧត្តមសេនីយ៍ត្រី ង៉ាន់ ចិន្តា ដឹកនាំកម្លាំងនគរបាលចំនួន១៣០នាក់ ចូលរួមការពារសន្តិសុខ សណ្តាប់ធ្នាប់ នៅតាមមណ្ឌលប្រឡងចំនួន៤កន្លែង ក្នុងចំណោមមណ្ឌលប្រឡងទាំង៧ រួមរួមមាន: ១-វិទ្យាល័យសិរីសោភ័ណ ២-វិទ្យាល័យសម្តេចឪ ៣-សាលាបឋមសិក្សា ហ៊ុន សែន សុភី ៤-សាកលវិទ្យាល័យជាតិមានជ័យ។
លោកឧត្តមសេនីយ៍ត្រី ង៉ាន់ ចិន្តា ស្នងការរង ផែនសណ្តាប់សាធារណ: បានឲ្យដឹងថា ការប្រឡងសញ្ញាបត្រមធ្យមសិក្សាទុតិយភូមិ រយះពេល២ថ្ងៃ មណ្ឌលប្រឡងទាំង៧ មានសភាពស្ងប់ស្ងាត់ សន្តិសុខសណ្តាប់ធ្នាប់ល្អ ពុំមានបាតុភាពឬបទល្មើសអ្វីឡើយ។
នៅថ្ងៃទី៧ ខែធ្នូ ឆ្នាំ២០២២ នេះ កម្លាំងនគរបាលផែនសណ្តាប់ធ្នាប់សាធារណ: នគរបាលនៃខេត្តបន្ទាយមានជ័យ បានប្រើប្រាស់កម្លាំងនិងរថយន្តស៉ឺរ៉ែនការពារជូនដំណើរប្រតិភូក្រសួងអប់រំយុវជននិងកីឡា នាំយកឯកសារសន្លឹកកិច្ចការប្រឡងរបស់បេក្ខជន ត្រឡប់ទៅរាជធានីភ្នំពេញវិញដោយសុវត្ថិភាព៕
