ខេត្តបន្ទាយមានជ័យ៖ នៅរសៀលថ្ងៃសុក្រ ២ កើត ខែមិគសិរ ឆ្នាំខាល ចត្វាស័ក ព.ស២៥៦៦ ត្រូវនិងថ្ងៃទី២៥ ខែវិច្ឆិកា ឆ្នាំ២០២២នេះនៅវេលាម៉ោង១១នឹង៣០នាទី ដោយមានការយកចិត្តទុកដាក់ពីលោកឧត្តមសេនីយ៍ទោ សិទ្ធិ ឡោះ ស្នងការ នគរបាលខេត្តបន្ទាយមានជ័យ និងអនុវត្តតាមបទបញ្ជាផ្ទាល់ពីលោកវរសេនីយ៍ឯក សួង សៅ មេបញ្ជាការ វរៈសេនាតូច នគរបាលការពារ ព្រំដែនគោកលេខ៨១៥ កម្លាំងប៉ុស្តិ៍ក្បាលទំនប់ចំនួន ០៦នាក់ ដឹកនាំដោយលោកវរសេនីយ៍ត្រី រឿម ប៊ុនរិទ្ធ នាយប៉ុស្តិ៍នគរបាលការពារព្រំដែនគោកប៉ុស្តិ៍ក្បាលទំនប់ នៃវរៈសេនាតូចលេខ៨១៥ ដឹកនាំកម្លាំង សហការជាមួយ កម្លាំងយោធាផ្នែកសឹករងម៉ាឡៃចំនួន ០៣នាក់ ដឹកដោយលោកវរសេនីយ៍ត្រី ជា រិទ្ធ មេបញ្ជាការកងអនុសេនាធំទី១ បានជួបពិភាក្សាទ្វេរភាគីជាមួយទាហាន (ព្រាន) ឈុតខ្មៅថៃ អនុសេនាធំលេខ (១៣.០១) ដែលឈរជើងទល់មុខភូមិសាស្ត្រ ប៉ុស្តិ៍ក្បាលទំនប់ចំនួន ១២នាក់ ដឹកនាំដោយលោកអនុសេនីយ៍ទោ ណាត់ថាក់ផាត់ ផាត់ប្រាគុដភុន មេបញ្ជាការអនុសេនាធំលេខ (១៣.០១) នៅចំណុច (IN1960) ០២២៧៨៩៨-១៥០១៥២០ មាត់អូរព្រំដែនទឹកដីថៃ ស្ថិតក្នុងភូមិឃុតហ៊ីន ឃុំខ្លងណាំសៃ ស្រុកអារញ្ញ ខេត្តស្រះកែវ ទល់មុខ ភូមិបន្ទាយទី២ ឃុំអូរសំព័រ ស្រុកម៉ាឡៃ ខេត្តបន្ទាយមានជ័យ ដើម្បីរឹតចំណងសាមគ្គីភាព កិច្ចសហប្រតិបត្តិការ និងរួមគ្នាទប់ស្កាត់រាល់បទល្មើសលួចឆ្លងដែនខុសច្បាប់គ្រប់ប្រភេទ ៕ល៕
