(ខេត្តស្វាយរៀង) ៖នៅក្នុងឱកាសបុណ្យគម្រប់ខួប ១០ឆ្នាំ ជួនអ្នកម្ដាយ របស់ មហាឧបាសិកាពុទ្ធសាសនូបត្ថម្ភក៍ ហ៊ឹម ម៉ាលី នៅភូមិគ្រិះផ្ទាល់ ឧបាសិកាពុទ្ធសាសនូបត្ថម្ភក៍ ហ៊ឹម ម៉ាលី និងជា សមាជិកក្រុមការងារថ្នាក់កណ្តាលចុះជួយឃុំសង្កែ បានជួបសំណេះសំណាលជាមួយបងប្អូនប្រជាពលរដ្ឋនិងចែកអំណោយជូនប្រជាពលរដ្ឋខ្វះខាតចាស់ជរាជាង១០០គ្រួសារ នៅក្នុងឃុំសង្កែ ស្រុករំដួល ខេត្តស្វាយរៀង នាររៀលថ្ងៃសុក្រ ២ កើត ខែមិគសិរ ឆ្នាំខាល
ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី២៥ ខែវិច្ឆិកា ឆ្នាំ២០២២នេះ ។
ឧបាសិកាពុទ្ធសាសនូបត្ថម្ភក៍ ហ៊ឹម ម៉ាលី និងជាសមាជិកក្រុមការងារថ្នាក់កណ្តាលចុះជួយឃុំសង្កែត្រូវជាម្តាយបង្កើត របស់លោកឧត្តមសេនីយ៍ទោ ហេង ឡាលី និងកូនៗ បាននាំយកអំណោយមកចែកជូនដល់ប្រជាពលរដ្ឋជាង១០០ គ្រួសារ នៅក្នុងមូលដ្ឋានឃុំសង្កែ ហើយលោកស្រីបានជួបសំណេះសំណាល និងបានពាំនាំនូវពាក្យផ្តាំផ្ញើរបស់ថ្នាក់ដឹកនាំគណៈបក្សប្រជាជនកម្ពុជា ដែលតែងតែនឹករលឹកដល់បងប្អូនប្រជាពលរដ្ឋទាំងអស់គ្នាពីចម្ងាយផងដែរ ។
នៅក្នុងពិធីនោះក៏មានការអញ្ជើញចូលរួមពី លោកហែម សុីណា អភិបាលនៃគណៈអភិបាលស្រុករំដួល មន្ដ្រីសាលាស្រុក លោក ពៅ សាមឿនមេឃុំសង្កែ នឹង លោកនាយប៉ុស្ដិ៍រដ្ឋបាលនគរបាលសង្កែ ។
លោកហែម ស៊ីណា អភិបាលស្រុករំដួលបានថ្លែងនៅក្នុងពិធីនោះថា លោកពិតជាមានចិត្តស្ញើចសសើនូវទឹកចិត្តមហាឧបាសិកាពុទ្ធសាសនូបត្ថម្ភក៍ ហ៊ឹម ម៉ាលី និងជា សមាជិកក្រុមការងារថ្នាក់កណ្តាលចុះជួយឃុំសង្កែ និងកូនៗរបស់គាត់រួមមាន ៖ លោកស្រី ឈាង ម៉ាឡៃ និងស្វាម៉ី ព្រមទាំងបុត្រ លោក ឈាង ម៉ាឡា និងលោកស្រី ព្រមទាំងបុត្រ លោក ហេង ឌី និងលោកស្រី ព្រមទាំងបុត្រ លោកឧត្តមសេនីយ៍ទោ ហេង ឡាលីន និងលោកជំទាវ ព្រមទាំងបុត្រ។ ដោយលោកស្រី និងកូនៗតែងតែចំណាយទ្រព្យសម្បត្តិផ្ទាល់ខ្លួនជួយឧត្ថម្ភកសាងនូវសមមិទ្ធផលផ្សេងៗនៅក្នុងមូលដ្ឋានឃុំសង្កែក៏ដូចជានៅក្នុងស្រុករំដួល យ៉ាងច្រើនគួរឲ្យកត់សម្គាល់ជាបន្តបន្ទាប់ ផងដែរ។
នៅក្នុងពិធីជួបសំណេះសំណាលនិង ចែកអំណោយជូនដល់ និងបងប្អូនប្រជាពលរដ្ឋក្រីក្រខ្វះខាត ជាង១០០គ្រួសារ អំណោយដែលទទួលបានក្នុងម្នាក់ៗ ទឹកស៊ីអ៊ីវ ១យូរទឹកត្រី១យូរ សារុង ក្រមា និង ថវិកាមួយចំនួនផងដែរ ។
ចំពោះ គ្រួសារដែលក្រីក្រហើយខ្វះខាតបំផុតក្នុងម្នាក់ៗ អង្គរ ១បេ ស្មើនឹង២៥គីឡូក្រាម ទឹកស៊ីអ៊ីវ ១យូរ ទឹកត្រី១យូរ សារុង ក្រមា និង ទទួលបានថវិកាចំនួន ៥មុឺរៀល។
ឆ្លៀតនៅក្នុងឱកាសនោះផងដែរ មហាឧបាសិកាពុទ្ធសាសនូបត្ថម្ភក៍ ហ៊ឹម ម៉ាលី និងជា សមាជិកក្រុមការងារថ្នាក់កណ្តាលចុះជួយឃុំសង្កែបានមានប្រសាសន៍ណែនាំពន្យល់ដល់បងប្អូនប្រជាពលរដ្ឋដែលមកទទួលអំណោយទាំងអស់ សូមកុំចាញ់បោកលើគណបក្សនយោបាយផ្សេង ត្រូវជឿជាក់លើកគណបក្សប្រជាជនកម្ពុជា ដែលមានសម្តេចតេជោ ហ៊ុន សែន ជានាយករដ្ឋមន្ត្រីដឹកនាំអស់រយៈ ពេល៤៣ឆ្នាំហើយក្រោមម្លប់សន្តិភាព និងការរីកចំរើននៅគ្រប់វិស័យ។
មហាឧបាសិកាពុទ្ធសាសនូបត្ថម្ភក៍ បានលើកឡើងថា មានតែគណបក្សប្រជាជនកម្ពុជាតែមួយគត់ដែលរំដោះបងប្អូនប្រជាពលរដ្ឋឲ្យរួចផុតពីរបបប្រល័យពូជសាសន៍ នាំមកនូវសន្តិភាព សុខដុមរម្យនា រួមសុខរួមទុក្ខជាមួយប្រជាពលរដ្ឋ ខិតខំកសាងប្រទេសពីបាតដៃទទេ រហូតមានអ្វីៗគ្រប់សព្វបែបយ៉ាងដល់បច្ចុប្បន្ននេះ ។ ជាពិសេស ថ្នាក់ដឹកនាំគណបក្សប្រជា ជនតែងតែនៅជាប់ជាមួយបងប្អូនប្រជាពលរដ្ឋ ទីណាប្រជាពលរដ្ឋមានទុក្ខ ទីនោះមានមុខថ្នាក់ដឹកនាំគណបក្សប្រជាជនជួយជានិច្ច ហើយចំណុចពិសេសទៀតនោះគឺថ្នាក់ដឹកនាំគណបក្សប្រជាជនកម្ពុជាមិនដែលរត់ចោលបងប្អូនប្រជាពលរដ្ឋដូចមេបក្សផ្សេងៗនោះទេ ពោលគឺនៅជាប់ជាមួយបងប្អូនប្រជាពលរដ្ឋគ្រប់កាល:ទេស:ទាំងអស់ ។
មហាឧបាសិកាពុទ្ធសាសនូបត្ថម្ភក៍ បានបញ្ជាក់ថាអំណោយ និងថវិកាដែលយកមកកសាងគឺបានមកពីការជួយឧបត្ថម្ភពីលកូនៗរបស់លោកស្រី ជាពិសេសកូនពៅលោកស្រី គឺឯកឧត្តម ហេង ឡាលីន ដែលតែងតែផ្តល់ថវិកាផ្ទាល់ខ្លួនឲ្យលោកស្រីធ្វើបុណ្យធ្វើទានចែកអំណោយជូនបងប្អូនដែលមានជីវភាពខ្វះខាត ចាស់ជរា និងជនពិការជាបន្តបន្ទាប់។
ជាចុងក្រោយមហាឧបាសិកាពុទ្ធសាសនូបត្ថម្ភក៍ សូមគោរពជូនពរដល់បងប្អូនប្រជាពលរដ្ឋទាំងអស់ដែលបានចូលរួមនៅក្នុងកម្មវិធីនេះសូមជួបពុទ្ធពរទាំងបួនប្រការគឺអាយុវណ្ណៈសុខៈពលៈកុំបីឃ្លៀងឃ្លាតឡើយ ៕(សូមអរគុណ)
