ព្រឹកថ្ងៃទី 17 ខែវិច្ឆិកាឆ្នាំ 2022 វេលាម៉ោង 8:30 នាទី ឯកឧត្តម ថង សាវុន អភិបាលនៃគណៈអភិបាលខេត្តមណ្ឌលគិរី បានអញ្ជើញជាអធិបតីក្នុងពិធី ចែកវិញ្ញាបនបត្រសម្គាល់ម្ចាស់អចលនទ្រព្យជូនប្រជាពលរដ្ឋដែលស្ថិតនៅក្នុងភូមិ ជ្រៃសែន សង្កាត់ មនោរម្យ ក្រុងសែនមនោរម្យ ខេត្តមណ្ឌលគិរី ដោយមានការចូលរួមពី លោកចៅសង្កាត់ មនោរម្យ លោក ឆុំ សូរី និងមន្ត្រីអាជ្ញាធរពាក់ព័ន្ធជុំវិញខេត្ត ។
កម្មវិធីនេះដែរ ឯកឧត្តមអភិបាលខេត្តបានមានប្រសាសន៍ និងណែនាំជូនប្រជាពលរដ្ឋ ដែលមានខ្លឹមសារនិងជាសារដាស់តឿនឲ្យប្រជាពលរដ្ឋទាំងអស់ខិតខំបំពេញជាពលរដ្ឋល្អ ដោយកុំរំលោភលើដីចំណីអូ និងផ្លូវថ្នល់ចំណីផ្លូវ ជារបស់រដ្ឋ និងជាសាធារណៈបន្តទៀត ដើម្បីឲ្យខេត្តមានការរីកចម្រើន និងសណ្ដាប់ធ្នាប់ល្អនិងបន្តអភិវឌ្ឍន៍ខេត្ត និងប្រទេសជាតិយើងឲ្យកាន់តែប្រសើរឡើង និងសំណូមពរដល់ប្រជាពលរដ្ឋ ដែលមានដីហើយមានប្លង់រឹងកាន់កាប់សូមជួយបង្កើនហូបផលដំណាំឬអភិវឌ្ឍន៍លើដីដែលខ្លួនមានឲ្យបានជាប្រយោជន៍ដើម្បីសេដ្ឋកិច្ចខេត្តទាំងមូល ៕
