(ខេត្តស្វាយរៀង): នៅព្រឹកថ្ងៃទី ១៤ ខែវិច្ឆិកា ឆ្នាំ ២០២២នេះ ឃុំម៉ឺជ័យបានរៀបចំធ្វើពិធីសូត្រមន្ដ ដើម្បីសេចក្ដីសុខ និងធ្វើពិធីប្រកាសដាក់អោយប្រើប្រាស់នៅមណ្ឌលសុខភាពឃុំម៉ឺនជ័យក្រោមអធិបតីភាពលោក ហែម ស៊ីណា អភិបាលនៃគណៈអភិបាលស្រុករំដួល និងលោក អនុប្រធានស្រុកប្រតិបត្តិ លោកមេឃុំម៉ឺនជ័យ មេឃុំធ្មា និងលោកនាយប៉ុស្តិ៍រដ្ឋបាលឃុំ បុគ្គលិកពេទ្យ លោកគ្រូ អ្នកគ្រូ ព្រមទាំងប្រជាពលរដ្ឋ ដែលចូលរួមសរុប ៧៣ នាក់ ស្រី ២២ នាក់ ។
ឆ្លៀតក្នុងឱកាសប្រកាសដាក់ឲ្យប្រើប្រាស់នៅមណ្ឌលសុខភាពឃុំម៉ឺនជ័យនេះ លោកហែម ស៊ីណា អភិបាលស្រុករំដួល បានថ្លែងថា ដោយមើលឃើញពីទុក្ខលំបាករបស់បងប្អូនប្រជាពលរដ្ឋ ជាពិសេសស្ត្រីដែលមានផ្ទៃពោះ និងស្ត្រីទើបតែសម្រាប់កូនរួច ក៏ដូចជាបងប្អូនប្រជាពលរដ្ឋដែលមានកូនតូចៗទាំងនោះ ត្រូវមកពិនិត្យ និងទទួលវ៉ាក់សាំង និងចាក់ថ្នាំបង្ការការពារជំងឺផ្សេងៗទៀតនោះ គឺងាយស្រួលមកទទួលនិងពីគ្រោះយោបល់ពីលោកគ្រូអ្នកគ្រូពេទ្យលែងពិបាកទៀតហើយ ព្រោះយើងមានមណ្ឌលសុខភាពនៅក្នុងភូមិឃុំមុឺនជ័យយើងរបស់ស្រាប់ ។
លោក ហែម ស៊ីណា អភិបាលស្រុករំដួល ក៏បានសំណូមពរដល់បងប្អូន ប្រជាពលរដ្ឋត្រូវថែរក្សាសុខភាពឱ្យបានល្អហើយត្រូវមើលថែកូន ចៅតូចៗ កុំឱ្យលេងទឹកព្រោះអាចបង្កឲ្យមានគ្រោះថ្នាក់ដោយសារលង់ទឹក ត្រូវសម្អាតបរិស្ថានជួបពេញផ្ទះ និងកន្លែងដែលជាជម្រកមូសខ្លា គេងក្នុងមុងដើម្បីការពារជំងឺគ្រុនឈាមត្រូវហូបស្អាត ផឹកស្អាត និងរស់នៅស្អាត ហើយរួមគ្នាថែរក្សា សមត្ថផលដែលកើតចេញពីគណបក្សប្រជាជនកម្ពុជាដែលមានសម្ដេចតេជោហ៊ុនសែនជាប្រមុខដឹកនាំដ៏ឈ្លាសវៃ ឲ្យបានស្ថិតស្ថេរយូរអង្វែង។
ជាចុងបញ្ចប់ ក្រុមការងារដែលចូលរួមនិងប្រជាពលរដ្ឋសរុបទាំងអស់ ៧៣នាក់ ក្នុងម្នាក់ៗទទួលបានសារុងមួយនិងសាប៊ូដុះខ្លួនមួយដុំពីលោក ហែម ស៊ីណា អភិបាលស្រុកកំដួលផងដែរ ៕
