ខេត្ដបន្ទាយមានជ័យ៖ នៅព្រឹកថ្ងៃអង្គារ ១៥កើត ខែកត្តិក ឆ្នាំខាល ចត្វាស័ក ព.ស២៥៦៦ ត្រូវនឹងថ្ងៃទី០៨ ខែវិច្ឆិកាឆ្នាំ២០២២នេះដោយមានការចង្អុលបង្ហាញពីលោកឧត្តមសេនីយ៍ទោ សិទ្ធិ ឡោះ ស្នងការ នគរបាលខេត្តបន្ទាយមានជ័យនិងអនុវត្តតាមបទបញ្ជា របស់លោកវរសេនីយ៍ឯក សៅ សារឿនអធិការ នគរបាលក្រុងប៉ោយប៉ែត បានដាក់បទបញ្ជាដល់នគរបាលប៉ុស្តិ៍រដ្ឋបាលទាំង០៥ ត្រូវចុះធ្វើការភូមិនីមួយៗក្នុងភូមិសាស្ត្រប៉ុស្តិ៍នីមួយៗគ្រប់គ្រងនឹងណែនាំដល់បងប្អូនប្រជាពលរដ្ឋដើម្បីភូមិឃុំមានសុវត្ថិភាព។
លោកវរសេនីយ៍ត្រី សួន ស៊ីម៉ាប់ នាយប៉ុស្តិ៍នគរបាលរដ្ឋបាល សង្កាត់ប៉ោយប៉ែតដឹកនាំកម្លាំងចុះធ្វើការតាមភូមិនីមួយៗ ដើម្បីបង្ការទប់ស្កាត់រាល់ល្មើសផ្សេងៗនិងសំណេះសំណាលជាមួយបងប្អូនកម្លាំងប្រជាការពារភូមិនឹងណែនាំ ដល់បងប្អូន ប្រជាពលរដ្ឋ បើក្នុងភូមិរបស់បងប្អូនរស់នៅមានអសន្តិសុខត្រូវរាយការណ៍មកប៉ុស្តិ៍ជាមិនទាន់ដើម្បីចាត់កម្លាំងចុះធ្វើការបង្ក្រាបបានទាន់ពេលផងដែរ។
ឆ្លៀតក្នុងឱកាសនោះដែរ៖លោកវរសេនីយ៍ត្រី សួន ស៊ីម៉ាប់ នាយប៉ុស្តិ៍នគរបាលរដ្ឋបាល សង្កាត់ប៉ោយប៉ែតក៏បានសំណេះសំណាល និង ទទួលទានផ្លែខ្នុរ ជាមួយបងប្អូន កម្លាំងប្រជាការពារភូមិដោយរីករាយ ស្ថិតនៅក្នុងភូមិទួលប្រាសាទ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ៕
